Romano 5:15 - NandevaBiblia

¹⁵ Hãrã mba'ety, ñamyhã'ãngahe verã ñymbai porãmba vekuare hareka Tũpa mbai meẽreii ñande vekuare. Adán ñymbai porãmba vekua rehe, hetamba manova; tẽvã Jesucristo rupii Tũpa meẽreii ñande mbai vasuiteveva hareka mbai kavi hetavare pevarã.

Romano 5:15 Referans Kwoze

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Romano 5:12

Kyrã, pente kuimbai rupii mbai porãmba ichemba yvy'ĩãrẽ, hareka mbai porãmba rehe ou ñymano; hareka opaiteva kuaretare manotẽ verã, shara opaiteva mbai porãmbavẽĩ japo.

1 Juan 5:11

Hareka kova hai ñee: Tũpa meẽ ñande tykove opambava hareka hokava tykove ẽẽhe Tayre.

2 Corintios 9:15

Ãmeẽ shy'ajetekue Tũpape! Shara hai heta mbai meẽ ñande katumba opa ñambeuva!

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Hechos 15:11

Tẽvã ñande jairoja Ñandeja Jesús jyhaihukue ryheverã japitymapo ñymondo jepe, haire rãĩmi.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.