Romano 4:17 - NandevaBiblia

¹⁷ Mbyparahava hei: Arĩñono tentare hetava tuurã, hokava he'ise Abraham haiva ñanderu, Tũpa hỹnonde, kova haimba Tũpa Abraham rojava, Tũpa meẽshuva tykove mano vekuare, hareka japova maĩnunga ikombaterivare.

Romano 4:17 Referans Kwoze

1 Corintios 1:28

Tũpa pyhỹrõ kuareta heshahatamba vekua hareka mbaimba kuaavekuamire ẽvã ko yvy'ĩãrẽ, he'ise mba'ẽrãmba'i vekuamire, kyrãvape mbijiche verã jyroja'ijehevare.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

1 Pedro 2:10

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

Juan 5:25

Ãñeteĩte hai pee, ouma ara hareka ã'ẽvãĩpo, manovare hẽndukui Tũpa Tay ĩñee hareka hẽndushua kuerajypokui.

Hebreos 11:12

Hãme rãnga Abraham, manoserimate'ia heta ĩmerejy ñymoña hãndiare jasytata rãĩmi vate arare hareka yvy ku'i yyvasu hymbeyipi'õva rãĩmi, katumba opa japapava.

Romano 3:29

Tũpa ha'ẽã Judio retaĩ ñu Tũpa, opaiteva ñu Tũpa rãnga, ajemaĩpo haimba judiovare.

2 Pedro 3:8

Tẽvã shyryvyre ahaihuva, avy pyndysarehe kova: Ñandeja pevarã, pente ara 1000 ãño rãĩmishu hai, hãrã 1000 ãño pente ara rãĩmijyshu.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

1 Timoteo 6:13

Ã'ẽ Tũpa opa mbai mbyhykoveva hỹnonde, hareka Jesucristo hỹnonde hekope kavi ñymbeu vekua Poncio Pilato hỹnonde, airure nde

Romano 9:26

Haipe he'iashua retape: Pee ha'ẽã shyrẽta ĩrũre, he'iaposhu retakui Tũpa hykove'ia tayre”.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

Romano 4:2

Shara Abraham mbyhekoakavi hai japo vekuarerã, ĩmeñoĩmbapore ojejapohe verã. Tẽvã ha'ẽã Tũpa hỹnonde.

Hechos 15:18

Kyrã hei Ñandeja, kova mbai japova kuaaha aryka'eitevaĩ, meẽmava ĩñee.

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Romano 4:18

Ñyhãrõkuaa mba'etymava, Abraham roja hareka hãrõkuaajy, kyrã ikoshi tenta vasure hetava tuu, Tũpa heishua rãĩmi: “Kyrãpo hetakui ñymoña ndyhevivare”.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

Hebreos 11:3

Jyrojakue rupii jaikuaa Tũpa japomba kova yvy jerekue hai ĩñee rupii, japohashi opa maĩnungare katumba jaheshava.