Romano 3:4 - NandevaBiblia

⁴ Kyrãã rãngapo! Ajemaĩpo kuaretare japu, Tũpa añetevañoĩ hei. Shara Mbyparahavape hei: “Opaitevapo kuaa añetevañoĩ rereva. Hãrã rẽhe kavipo nimbivachehaka'ẽrã”.

Romano 3:4 Referans Kwoze

Galatas 2:17

Hãrã ã'ẽ, ñañehãã ñandyreko kavi verã Jesucristo rupii, jaheshajy ñandijehe mbai porãmba japo'iarã. Hokavara he'ise, Jesucristo ñanymboryheva mbai porãmba jajapo jai verã? Mba'ety!

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

Juan 3:33

Tẽvã ĩme'ẽ rojavarã, my'ãñete Tũpa heiva,

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Romano 9:14

Ja'eraposhu, Tũpa heko jyvachembave? Mba'ety!

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

Galatas 2:21

She katuã ambijiche Tũpa jyhaihukue, añete ñandyreko ky'ãã Tũpa hỹnonderã hareka Moisés mbypara vekua rupiirã, Cristo mano reitẽ verãmba.

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

Romano 3:31

Tẽvã Jesús jarojarã, hokava he'iseã ñee mbyparahava ikoveãmava, añete hai jairojaherã ñamypyrãtavema ñee mbyparahava.

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Romano 11:1

Hãme rãnga apyrãndu: Tũpa mbijicherashu hai ryheva reta? Mba'ety. She hai jyve israelita, Abraham ñymoñashia, Benjamín henta ĩrũre.

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

Romano 11:11

Ã'ẽ apyrãndu: Israelitare oa retarã, haipemaĩra pyta pũãmbape? Mba'ety! Ha'eã kyrãva, haikaviveva hai, Judiore ñee henduã retarã, haimbaa Judiovare Tũpa mondojepeshu, Israelitare ñyngareko jyre verã.

Romano 7:7

Hãmera jaipo Moisés mbypara vekua haiva mbai porãmbava? Mba'ety! Tẽvã mba'ety mbyparahava japoa verãrã, aikuããmbapo mbaivara mbai porãmba. Aikuããmbapo yngavare ña'ãpova jaipotava ryheva, Moisés mbypara vekua he'ĩãrã: “Avy pota yngavare ña'ãpova”.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Romano 7:13

Hãrã kova mbai haikavivara shyraha ñymano kyty? Mba'ety! Mbai porãmba vekua rãnga, heshaha verã haiva mbai porãmbava; mbai haikaviva rupii hai shuka. Kyrã ñeẽ japoha verã rupii mbai porãmba ijeshaka marãra porã'ãĩte.

1 Corintios 6:15

Pikuããra pyndyrete haiva Cristo hete ryheva? Ahekyraposhi Cristo hete ryheva ãñonohẽ verã taupe heko porãmba hetere? Mba'ety!

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.