Romano 2:8 - NandevaBiblia

⁸ Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.

Romano 2:8 Referans Kwoze

Apocalipsis 16:19

Haivi yvyryryvasu tenta vasu opa mbijao mbahapy hendape, hareka tentare tenta vasu retaivi opaite japaku. Tũpa sareãhe Babilonia, mbyupy verã vino Tũpa poshykue pohyiteveva ryheva.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

Hebreos 10:27

Koñeĩ hemby ara pirĩmbivacheha verãpe kyjehashia, tata hasyva opa mambai verã Tũpa hyvaishore.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Tito 3:9

Tẽvã ijijokoshi ñeereii vekuare, ñee aryka'evare mbeu vekua hareka Moisés mbypara vekua japoa verã rehe ijakava. Kova mbai reta rãnga mbaivapeã haikavi hareka mbavapeã mboryshu.

1 Corintios 11:16

Hãma ĩme'ẽ kova mbai pya'ohombahearã, pikuaapo jyve ore Tũpa jyrojahevare mba'ety rekoha ynga ñymbatysea retaipi jypykuaahava rãĩmi.

Romano 15:18

Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

Romano 10:16

Tẽvã opaiñoã israelitare myvãhẽ Ñee Kaviva. Isaías heiva rãĩmi: “Sheja, mbavara roja ñee mbe'uava?”

Romano 9:22

Tũpa, pota heshaka marãra hai purũnupa, hareka heshaka verã pyrãtãkue, heta hãrõkuaatẽ timbipory tujuivi japoava, haiva kuaretare mbyposhykarevare, ẽẽshua jaheahe verãre hareka jyvarehahe verã.

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Galatas 5:20

ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i,

Filipenses 1:17

Tẽvã ĩme'ẽ Cristo ĩñee ryheva mbeuva Tũpa haihurã, shara kuaa reta Tũpa shiñono kope amaĩ ĩãrẽ verã Ñee kaviva.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Santiago 3:14

Tẽvã pyndypya poshy ryhevepirã hareka pijeshatããrã, hokava pijaporã pee pevarãĩjy, avy pimoã mbai vasumape, kyrãrã papumapo hareka piñomima añeteva.

Santiago 3:16

Shara ijeshatamba hareka ñymymorãmba ẽvãpe, ẽẽ jyve ñymomohẽva hareka opaĩ marãrãngãtuva porãmba vekua.