Romano 2:29 - NandevaBiblia

²⁹ Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Romano 2:29 Referans Kwoze

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

1 Pedro 3:4

Katynga pymymashyãpo pyndypya ñemiãpe'õ mbai haikaviva ñymbaimba, espiritu pyryhaihuva hareka pyavapyva ryheva, hokava rãnga haikavi Tũpa hỹnonde.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

Romano 7:6

Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.

Romano 2:27

Hãme rãnga Moisés mbypara vekua japovare nimbivachekapo, ajemaĩ pire chĩchĩhãmbatẽ haivare. Shara nde ndipire chĩchĩhãmatẽvã hareka ĩmematẽ ryreva Moisés mbypara vekua, mapemba pijapotẽã.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

Juan 12:43

Haire potãĩ kuaretare mbyveteshu, Tũpa õmombaitẽ verãivi.

Juan 5:44

Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Lucas 11:39

Tẽvã Ñandeja heishu: Pee fariseore ĩãrẽĩ pijohe yy ho'uhapya hareka yyare; tẽvã pyndypya tynyhẽ manarõse hareka piniñarõkue.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Juan 4:23

Tẽvã vãhẽma ara, ã'ẽvãĩpo ãñẽtẽite õmombai'iare Tũpa, õmombaishu verã Espiritupy hareka añetevape. Shara Tũpa kyrã pota õmomba'eashu.

Lucas 17:21

He'iãpope: “Pymaĩhe kope'ẽ” maĩrã “Pymaĩhe kuty'ẽ”; pikuaapo Tũpa ẽvãpe'õ ryheva ĩmema'ẽ pynymbytepe.

Romano 3:1

Jaheshapo: Haikavira Judiorã jairãme? Haikavirapo ñandipire ñachichĩkarãme?

1 Corintios 7:19

Pire chĩchĩãva mba'ẽã rãnga; hareka kyrãĩjy chĩchĩãmba mba'ẽãjy, koñeĩ haikavive jajapo ñeẽ japoa verã Tũpa ña'ãpova.