Romano 2:26 - NandevaBiblia

²⁶ Ajemaĩ haimbatẽ hai pire chĩchĩavare, tẽvã japo hai reta Moisés mbypara vekuarã, Tũpa ryheva retama jyve, ajemaĩ pire chĩchĩkambatẽãre.

Romano 2:26 Referans Kwoze

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

Romano 8:4

Hokava japoha hekopekavi iko ñandyrehe verã ñee mbyparahava, shara ñande jaikoveama ñandyrete porãmba potava rãĩmi, koñeĩ jaiko Espiritu potava rãĩmi.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Efesios 2:11

Hãrã pynymanduahe ĩrũ arajyape teripeĩrã, haimba Judiore pyndyroope, pynyrẽnoha pire chĩchĩambaa mbyheava “pire chĩchĩava” japohava tyretere kuareta ipo rupii.

Romano 3:30

Koñeĩ penteĩ'ẽ Tũpa, hareka hai Tũpa mbyheko kaviva opaite Jesucristo jyrojaheare, ajemaĩpo haimba Judiovare.

Mateo 15:28

Jesús heishu: Nde hai taupe tivisha rirojava! Tiko nde ripotava rãĩmi. Haiperaveĩ memby taupe kuera.

Romano 2:25

Mba'ẽã rãngaposhu mbava pire chĩchĩka'i Moisés mbypara vekua japoãrã, mbijicheĩrã, hãĩny haimbatẽã pire chĩchĩkava.

Romano 2:27

Hãme rãnga Moisés mbypara vekua japovare nimbivachekapo, ajemaĩ pire chĩchĩhãmbatẽ haivare. Shara nde ndipire chĩchĩhãmatẽvã hareka ĩmematẽ ryreva Moisés mbypara vekua, mapemba pijapotẽã.

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.