10 Hãma haikaviva japoñoĩ'iare, Tũpa meẽposhukui tenda haikaviva, mbyvetehapo hareka pyavapy, tynondepo Judiore hareka jyve haimba Judiore.
Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.
Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.
Shara ñandypya ñambijetahe ñandyrete potavairã raha ñymano kyty, tẽvã Espiritu ryheva jaikoherã, ĩmepojare tykove hareka pyavapy.
Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.
Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.
Ryheshara, Abraham heshakamba jyrojakue japova rupii, hareka japova rupii mbyhaikavimba jyrojakue hai ĩmereva.
Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.
Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.
Opaite heko poshyvare jahehapohekui hasyshurã jyvarehea; tynondepo'ẽ, Judiore hareka jyve haimba Judiore.
Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.
Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.
Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,
Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.
Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.
Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.
Tujure mba'apo'ia rãnga ẽẽshu tujuivi pota japova, japo verã, hareka hokava tujuivi katu japo timbipory pentevapẽĩ poryha verã, hareka yngavape katu japoshi opavape poryha verã.
hareka Tũpa opa pavẽĩ haihu, opaite tenta, kyjeshiva retape hareka mbai haikaviva yngavare japova.
Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.
Vãhẽma orarã, Jesús hareka jy'apostolre vapy hãndi reta mesape.
hei: “Aipotanytẽ ã'ẽ rikuaa, mbaivara verunde pyavapy! Tẽvã ã'ẽ ndyresare katuã ryhesha.
Vy'apo jokuehareireare oo ija oujymarã, hesha ocheã'ẽrã. Ãñeteĩte hai pee, oo ija mondepo jokueharea mondeva hãrã mbyvapypo mesape, hareka oupo ijokueka jyveshu.
Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.
Haipe'õ kuaretare hentape pynymyvãhẽ kavirã, pyhejashu reta ko ñymymarãndu pyavapy, haire mba'ẽãshurã timejype.
Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.
Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.
Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.
Tũpa jokuerea retaivi mishĩĩ rijaposhu, hareka rĩñonohe hĩmbipekue hareka rymbyvete.