Romano 2:1 - NandevaBiblia

¹ Hãme rãnga mba'etyma rere ndijehe verã, jaishu ĩmerãẽva nde rĩmbivachekariva. Kyrã rijaporã ndeiima rĩñimbijichekari, shara haire rãĩmi rijapo jyve maĩnunga.

Romano 2:1 Referans Kwoze

Lucas 6:37

Avy pimbivacheka papisha mãhẽ Tũpa pimbivacheka jyvekui. Avy pijahehe papisha, mãhẽ Tũpa jahe jyve pyndyrehekui. Pyhejareiishi papisha porãmba japo pyndyreheva, hãrã Tũpa hejareiipo jyve pyndyhevi mbai porãmba vekua.

Romano 2:3

Nde rĩmbivachekariva yngare, kyrãmi rãnga rijapori jyve, mbyryny rijavy. Rĩmoãra katu rỹkañyshi Tũpa ñunupa?

Romano 9:20

Hãma nde kuimbai maĩrã taupe. Mbavara nde rỹmbyhovai verã Tũpa? Timbipory yvyivi japohavara heiposhu japo vekua: “Marã'ĩrãra kyrã shapo?”

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

Santiago 2:20

Avy mbaimba kuaava rãĩmi'i, rikuããra jyrojakue ohoã hãndi jajapovarã, mbaivapeã haikavirãme?

Lucas 19:22

Haipema huvisha vasu heishu: “Nde hai jokuehareirea heko porãmbava, niñẽ'ẽkue rupiiĩpo arĩmbivacheka. Rikuambatẽ she hai kuimbai mbai potañoĩ japoashuarã, ahekyjyva añonombatẽva, hareka ãmỹnõõjyva añotymbatẽva;

1 Corintios 7:16

Shara nde taupe, marãira rikuaa, katu rỹmondojepe verã neme? Maĩrã, nde kuimbai, katura rỹmondojepe ndyreko.

Lucas 12:14

Haipe Jesús heishu: Nde shi'ĩrũ, mbavara shiñono pynymbytepe Kuareta Pirĩmbivacheka'ia maĩrã hejaha vekua mbijao'i verã?

Romano 2:2

Jaikua rãnga Tũpa mbivacheka mbai porãmba japo'ia retaperã, hekope kavi mbivacheka.

Romano 3:9

Aipota hai kova, Judio retara haikavive ñaĩ yngava retaivi? Mba'ety rãnga! Hai ãĩva rãĩmi, ajemaĩpo Judio ñande maĩrã ha'ẽã, opaiteva rãnga ñaĩmeñaĩ mbai porãmba ñymbaikatu ipe.

Romano 14:22

Hokava jyrojakue ĩmeryreva, natu nde pevarãĩ Tũpa hỹnonde. Vy'apo hokava mbai haikavi japova mbaivamba jochavape hareka japova rehe porãmba'ẽ verã.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.