Romano 15:26 - NandevaBiblia

²⁶ Shara Macedonia hareka Acayape'iare ha'eire mbaty reta ofrenda heshakapy verã jyparekokue pavetevare pevarã ẽvã ñandyryvyre heko kyambare mbytepe Jerusalenpe'õre.

Romano 15:26 Referans Kwoze

2 Corintios 9:12

Shara kova mbai haikavi pijapova pymbory verã ñandyryvyre, ha'ẽã mbai mba'etyrevapeĩ mboryvare, koñeĩ mykyrẽ'ỹha reta pyraheshu verã Tũpa.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

Filemon 1:5

heshara mbe'uashe nde ryhaihu Ñandeja Jesúsperã hareka hai rirojaherã, hareka rĩñanduheva jyhaihu opaite Tũpa henta'ĩrũ reta jyve.

1 Corintios 16:15

Shyryvyre pee pikuaakavi Estéfanas henta'ĩrũre hai tynondeite jyrojava Acayape, hareka haire mboryñynoĩ opaite ñandyryvy jyrojavare.

Hechos 18:12

Tẽvã Galion huvisharãteri'ẽ Acayaperã, Judiore ĩñiñono pente ñeepe pũãhe reta Pablo, haivi raha huvishare hỹnonde,

Hechos 16:9

Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Lucas 14:13

Haikavive rãngapo, karu vasu rijaporã, rỹhẽnokave pavete'iare, jyvambava, vatambavare, hareka heshamba kuvãĩpiare;

Lucas 6:20

Jesús mãihe mboireare retarã, heishu: Pyvy'apo pee pyndypaveteva, shara pa'ãpova hai Tũpa ẽvãpe'õ ryheva.

Mateo 26:11

Pavetevare ĩmeñoĩpo pynymbyteipi, tẽvã she ha'ẽã ãĩmeñoĩ verã pyndyvache.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Hechos 16:12

Haivi ohoajy Filipospe, hai tenta tynonde'õ Macedoniape. Haipe mbovy ara pytaha.

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

1 Corintios 16:5

Ahapokui peĩvape Corintope, Macedoniaipi ahasamarã, shara haipirãnipo ahakui.

2 Corintios 1:16

jaishu, Macedoniape ahamajyrã aipota ahasakui pẽĩvape, hãma aijymarã hykuaĩpo ahajykui pẽĩva kyty, haivi shymborypopikui aha verã Judeape.

2 Corintios 2:13

Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

2 Corintios 7:5

Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.

2 Corintios 9:4

Mahẽ Macedoniavare ohoa hãndirã pyndyreshakui pẽĩkavimbape. Hokava yrỹmymarãkapokui, shara jyrojahaite'i pyndyrehe; jaijetambaheva marãkue pee pyreko verã.

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

Filipenses 4:15

Pee Filipope'õre pikuaa jyve, ãñepỹrõ ambeu'ai ko Ñee kavivarã, ahajy Macedoniaivirã, koñeĩ pende tũpao rahaka she Tũpape me'ẽãva aikotẽveva pevarã.

1 Tesalonicenses 1:7

Hãme rãnga iko pyndyhevi heshaha verã opaite Jesucristo jyrojahevare pevarã ikova tenta Macedonia hareka Acayape.

1 Tesalonicenses 1:8

Pyndyhevi õñepyrõ Ñandeja ĩñee mbe'uha rahaha, ha'eã Macedonia hareka Acayapeĩ, oparupi rãnga, hareka opa kuaaha jyrojakue ĩmepyreva Tũpare, hãrã katuveãma mbaiva he'ihajype.

1 Tesalonicenses 4:10

Kyrã rãnga pijapohe opaite pyndyryvyre ẽẽva tenta Macedoniape. Tẽvã jururehajype shyryvyre pijyhaihukue tupuãve toho opa ara.

1 Timoteo 1:3

Ndeiteri aha tenta Macedonia kytyrã, airure nde rypyta verã tenta Éfesope, rijocha verã opaite haipi yngaiva pyrỹmboi'iheare ỹnteñoma kyrã japo verãre,