Romano 15:13 - NandevaBiblia

¹³ Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Romano 15:13 Referans Kwoze

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

2 Corintios 9:8

Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Romano 15:5

Tũpa meẽva ñyhãrõ hareka pya kaviva, pynymbory pepenteĩ piko kavi ijupii verã, Cristo Jesús iko vekua rãĩmi,

Juan 14:1

Avy pejepy'apy, pirojahe Tũpa hareka piroja jyve shyrehe.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

1 Timoteo 1:1

She Pablo, Jesucristo jy Apostol Tũpa ñonova rupii ñanymondojepeva hareka Ñandeja Jesucristo ñahãrõñaĩva pota rupii,

Efesios 1:2

She airureshu Tũpa, Ñanderu hareka Ñandeja Jesucristo, tymeẽpe pya kavikue hareka pyavapy.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Corintios 2:4

Opa mbai aikuaava rãĩmiiã aha pynymbytepe, aporyã ñee javai'ova, shyrojapi verã. Koñeĩ ahejashu Espiritu Santo heshaka verã ñymbaikatukue,

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.