Romano 14:8 - NandevaBiblia

⁸ Ñaĩmeterijairã, jaiko Ñandeja pevarã, hãrã ñamanomarã, ñamano Ñandeja pevarã. Kyrã ñamano maĩra ñaĩmeteri jairã, Ñandeja ña'ãpova ñande.

Romano 14:8 Referans Kwoze

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

1 Tesalonicenses 5:10

Jesucristo rãnga mano ñandyrehe, ñandyrykovepe maĩrã ñamanomarã, jaiko hãndi verã.

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Filipenses 2:30

Shara ajete mano Cristo rehe mba'apovapẽĩ, hareka hykove haihumbape shĩmi'ĩrũ verã, pee katumba pijapova, mbyrypẽĩ shyhevirã.

Hechos 13:36

Ãñeteara David opa kavi japo hẽta ĩrũre mbytepe, Tũpa potavarã, mano hãrã ñotyha tuu tynõndeshivekuare hãndi haivi hetekue opa ñymbai.

Juan 21:19

Kyrã Jesús mbykuaaka, Pedro marãrapo mano, hareka õmombaivasu Tũpa. Haivi Jesús heishu: Ei shimĩ'ĩrũ!

Lucas 20:38

Tũpa ha'ẽã manova ñu Tũpa, koñeĩ hykove'iare ñu Tũpa; hai pevarã opavare hykoveshu verã.