Romano 14:3 - NandevaBiblia

³ Haikavi opava mbai houva, ha'eã mymorãmba verã kyrãva maĩnunga houmbaa hareka houmbavare ha'eãjy ijetareiihe verã opa mbai houva, shara Tũpa jyvacheĩ myvãhẽshu.

Romano 14:3 Referans Kwoze

Romano 14:10

Mbaiva rehera rijetarihe ndyryvy jyrojava? Marã'irãra ryheshatãã? Opaiteva rãngapo ñande jahakui Tũpa vapy'õ hỹnonde maĩhe verã marãra jaiko.

Lucas 18:9

Jesús mbeujyshu ko ñee ñymyhã'ãnga a'ãmore jyroja'i ijeheva pevarã, moãtẽ heko kavirã mymorã'i hapishare:

Romano 14:13

Hãrã avypo jaijetajai ijehe, avy ñañonoshu ñandyryvy jyrojava ity verã mbai porãmbape.

Hechos 10:34

Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,

Romano 14:21

Haikavive ja'ũã soo hareka ñambusururuã vino, avy mbaiva japo rity verã ndyryvy jyrojava.

Romano 14:15

Tẽvã reuva rehe vy'ã i ndapisharã, rikoveãma jyhaihukuepe. Avy heja reuva rehe tata vasupe opakui Cristo manohe vekua.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Hechos 10:44

Haipe Pedro ijetateri'ẽ vẽkua, mondii vejyhe reta Espiritu Santo opaite Pedro mbeuva hẽndu'ẽvãre.

Mateo 9:14

Haipe Juan Bautista mboireare ou Jesús ẽvãpe, hãrã pyrãndushu: “Ore hareka fariseore karumbape ikoha, marã'ĩrãra rỹmboiryreare japoã hai reta?”

Hechos 28:2

Haipe Maltape'õre ỹrỹmyvãhẽkavi reta, shara ro'y hareka haivi'ẽseverã. Hãrã haire tata jatapyvasu, haipe yrỹrẽno reta jype'eha hãndi verãre.

Romano 11:15

Shara Tũpa Judiore mbijicheape, he'ise opaite yvy jerekue Tũpa ñymbeujyshuva, mbaivara he'isepo Judiore myvãheãjyshurã? He'iserapo haire ĩmerapore reta tykove, shara aryka'e manova rãĩmi jyre.

Romano 14:1

Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Romano 15:7

Hãrã, pepenteĩ piñymyvãhẽ kavi, Cristo ñanymyvãhẽva rãĩmi, Tũpa hĩmbipeva pevarã.