Romano 14:22 - NandevaBiblia

²² Hokava jyrojakue ĩmeryreva, natu nde pevarãĩ Tũpa hỹnonde. Vy'apo hokava mbai haikavi japova mbaivamba jochavape hareka japova rehe porãmba'ẽ verã.

Romano 14:22 Referans Kwoze

1 Juan 3:21

Shyryvy ahaihuvare, ñandypyapy'õ ñaniñono kavi'ẽrã, jairojañaĩhe Tũpa.

Romano 14:5

Ĩme'ẽkuei pente ara mbivavyva, tẽvã ĩme'ẽjykuei heiva ara jyvacheĩva. Hãme rãnga pypyape pyrojava pymypyrãnta jyvyĩpo.

Santiago 3:13

Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Romano 14:23

Tẽvã pyhuva ho'uava rehe, ha'ei jyvare ijehe; shara japoã jyrojakue ryheve hareka opaite jyrojakue ryhevamba japoava, hai mbai porãmba.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Romano 14:14

She aikuaa, aroja Ñandeja Jesús rupii mba'ety ijuhuvii mbai kyavarã, ĩme'ẽ pya mbijetavarã pente mbai hai pevarã kyarã, ha'ei pevarãĩ kya.

Romano 14:2

Ñañonoshu, ĩme'ẽ pya mbijetava hou verã opaĩ marãrãngatuva ho'uavare, katynga jyrojakuepe pyrãntambaterivare, koñeĩ hou reta ñotỹhavare ia.

Hechos 24:16

Hãme rãnga ãñehãñoĩ añymbyheko kavi verã Tũpa hỹnonde hareka kuaretare.

Romano 7:24

Shymbypavete'i! Mbarapo hekyshyhevi kova ñymanokue ẽvã shyretepe?

Romano 7:15

She rãnga aikuãã ajapova, shara ajapoã potatẽ ajapova, aheshatamba vekuaĩ ajapojy.

Romano 2:1

Hãme rãnga mba'etyma rere ndijehe verã, jaishu ĩmerãẽva nde rĩmbivachekariva. Kyrã rijaporã ndeiima rĩñimbijichekari, shara haire rãĩmi rijapo jyve maĩnunga.

1 Corintios 8:7

Tẽvã opaĩñoã kuaa kova mbai. Shara a'ãmore jypykuaahe ta'angareirã, houteri ta'angape me'ẽãva ho'uavare, hãrã pyape ñymyngya shara pyrãtãã.