Romano 14:19 - NandevaBiblia

¹⁹ Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

Romano 14:19 Referans Kwoze

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Romano 12:18

Katura piñyhãã piko kavi hãndi opavare.

Romano 15:2

Opaitevapo jajapo ñandapisha pya ohohe verã hareka haikaviva jajapo haire pevarã hareka jyrojave verãre.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Marcos 9:50

Haikavi rãnga juky; tẽvã hymboshyveãmarã, mbaivaperapo pyporyjykui? Pyreko juky pyndypyape, hareka opavare piko kavi hãndi.

Mateo 5:9

Vy'apo reta õñehãã pirĩmbi'iko kaviva, haire he'iaposhu: “Tũpa tayre”.

1 Pedro 3:11

tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 10:33

She jyve opa mbaipe ãñehãã opava retape ambyvya verã, hareka ahekãã she pevarãĩ haikavi verã, hetava retape haikavi verã rãnga jyve, ohojepe verã reta jyve.

2 Timoteo 2:22

Syryshi porãmba kunumire japoseva hareka heka teko jyvache, jyrojakue, jyhaihukue hareka pyavapy, hãndi opaite pya kyamba ryheve Ñandeja õmombai vasu'iare.

1 Timoteo 1:4

avy jasakahe ñeereiiva tãkaivi nohẽãva, hareka ñee aryka'evare mbeu vekua opambava ryheva. Kova mbai rãnga opa pirĩmbyvavy ñeepe, jairoja rupii Tũpa potava jajapotẽ verã vekua.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

1 Corintios 7:15

Tẽvã tyreko, maĩrã teme jyrojambaa pota poijyhevirã, typoi. Kyrãrã jyrojava tiindy maĩrã, tykyvy pytajy omendambava rãĩmi, shara Tũpa piniñono pyavapy ryheve piko verã.

1 Corintios 8:1

Ã'ẽ jaijetapohe ho'uavare ta'ãnga heepe me'ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava.

1 Corintios 10:23

Opa mba'eara katu jajapo, tẽvã opa mba'ẽã haikavi. Opa mba'e katu jajapo, tẽvã opa mba'ẽã haikavi japo ñandyrehe.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

1 Corintios 14:4

Ñee kuaahambavape ijetava ijupei ñymypyrãta, tẽvã Tũpa ñymbaikatukue ryheve ñimiñeeva, mypyrãta tũpao.

1 Corintios 14:5

Aipotaratẽpo opaĩ pijetapy ñee kuaahambare, tẽvã aipotaveva hai piñimiñee Tũpa ñymbaikatukue ryheve; kova haikaviveshi ijetava ñee kuaahambape, ĩme'ẽ mbeu kavivarã tũpao mupuã verã.

Efesios 4:12

kyrã ñono kavi heko kyambare jokue verã, mupuã verãre Cristo hete,