Romano 13:7 - NandevaBiblia

⁷ Hãme rãnga pymbyhepyñoĩposhu ẽẽva rãĩmi pymbyhepyshu verã, tenta jurureva maĩrã mburuvisha jurureva, pymbyvete maĩrã pymytynonde jyveshu.

Romano 13:7 Referans Kwoze

Lucas 20:25

Jesús heishu reta: Pymeẽshu huvisha vasu Cesar ña'ãpova; hareka Tũpa pymeẽshu Tũpa ña'ãpova.

Mateo 17:25

Pedro heishu: Meẽ rãnga. Haivi hai iche oo iperã Jesús rãni ijetashu Pedro hãrã pyrãndushu: Simón, marãra rere? Mburuvishare yvy'ĩãrẽ ẽvãre, mbaty kyrypotirã, mbavarera jopyve ñyñoĩ? Henta rehera maĩrã ynga tentarera?

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

Mateo 22:21

Haire heishu: Huvisha Cesar. Jesús heishu reta: Akuarã, pymeẽshu mburuvisha vasu ña'ãpova, hareka Tũpape, Tũpa ña'ãpova.

Efesios 6:5

Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.

1 Timoteo 6:1

Opaite jokuehareare tymbyveteshu jokue'õre, mahẽ porãã ijetahahekui Tũpa hee hareka ñapyrỹmboiheva.

Efesios 5:33

Tẽvã pee jyve, hykuaĩ haijype pepenteĩ haihu verã hyreko hai ijyhaihuva rãĩmi.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Marcos 12:17

Jesús hei: Cesar ña'ãpova pymeẽjyshu Cesar, Tũpa ña'ãpova pymeẽjyshu Tũpa. Mbyry opamãĩ reta kyrã heishu retarã.

1 Timoteo 5:13

Hareka oparupi jyraha reta tijuparehupi, hareka ñatẽ'ỹ, ñee ryhevajy, opa mbaipe ichereii hareka jaitambaa rãĩmi heishu reta hapisha.

Lucas 20:22

Mbeu ore: Õĩñoira mbyhepyashu verã mburuvishavasu Cesar, maĩrã mba'ety?

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

Romano 13:6

Mburuvishare Tũpa ipope ẽẽ jyve reta hareka japo ñynoĩ japo verã. Hãme rãnga pee pymbyhepy jyve tenta jurureva.