Romano 13:13 - NandevaBiblia

¹³ Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

Romano 13:13 Referans Kwoze

Galatas 5:21

pyryreshatãã, pirijuka, ka'u, karuraivi, hãrã japojy heta mbai kyrãva. Apyrỹmymandu'akajyhe haimapeva rãĩmi, kyrã'ia icheãpokui Tũpa ẽvãpe.

Efesios 5:18

Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

1 Tesalonicenses 4:12

Kyrãrãpo mbai vasuva rãĩmi pindijapo haimba ñandyryhevare, hareka ĩmeñoĩpopyre maĩnunga.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

Efesios 5:15

Hãrã, pymaĩ kavi marãra jyre, avy piko mbaimba pya mbijetaheare rãĩmi, piko jyve mbai kuaakue tynyhẽ'ia rãĩmi.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

1 Tesalonicenses 5:17

Opa ara pirure.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Judas 1:23

Yngavare, pynohẽ tataivi hareka pymondojepeshu; ĩrũ retape pypareko jyve kyje ryheve, mondevare ojaheva hoo potava myngyava, hokava pivaruposhi.

2 Juan 1:4

Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Galatas 5:19

Javaĩã jahesha ha'ĩĩ hete potavaĩ japo'ia, kova hai: Ynga pota'ijya, javasa heta'ia, kyava japo'ia hareka opaisharei'ia,

Hechos 2:15

Ko kuimbai reta rãnga ka'ũã jyre pee pereva rãĩmi, nde'iaveite rãngatẽ kõĩkavi.

Lucas 16:19

Ĩmemba'ẽ pente kuimbai iko katuva, mondeava hepyva monde'ia hareka opa'ara japova karu vasu.

Lucas 1:6

Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,