Romano 12:8 - NandevaBiblia

⁸ hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Romano 12:8 Referans Kwoze

2 Corintios 9:7

Pepenteĩ tymeẽ pyape ñanduva rãĩmi, avypo meẽ vyamba ryheve, ha'ẽã miñerãhãherã, shara Tũpa haihu vy'ape mbai meẽva.

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Hechos 15:32

Hãrã Judas hareka Silas haireta jyve Tũpa ĩñee mbeu'ia retarã heta ñeepe mbyvyajy hareka mỹkyrẽyshu reta pente'ova Tũpare jyrojavare.

Hechos 13:15

Judiore ñymbatyseape'õ mburuvishare opama miñee Moisés mbypara vekuarã hareka Tũpa ĩñee mbeu'iare, he'ikashu reta: Shyryvyre ĩmepyre pota kope'õre pereshuvarã ã'ẽ katuma pere.

Hebreos 13:24

Pymarãndushu opaite tũpaope miñaka'ipeare hareka ñandyryvyre Tũpa pyhyrõvare. Italiape'õre mondo jyvepe marãndu.

Hebreos 13:22

Shyryvyre, airurepe pyhendu verã ñyhãrõkuaa ryheve kova ñee ñymykyrẽyva ryheva mishĩĩ ambyparapeva.

Hebreos 13:7

Pynymanduahe tũpaope miñaka'ipeare hareka Tũpa ĩñee mbeupe vekuare; pypya pimbijetahe mbovyra mbai kavi japomba reta hykovepe hareka kyrã pyroja haire rojava rãĩmi.

Hebreos 10:25

Avypo japoi jaha ñymbatyha'õpe a'ãmore jypykuava rãĩmi, opaiteva ñaiñymykyrẽỹ katu jairojavehe Tũpa, hai ĩãrẽ pyhesha kooĩma vãhẽ ou ararã.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 20:2

Opama vata hoka yvy retaipirã, hareka hetama mykyrẽyshu jyrojava retarã, ohojy Greciape.

1 Timoteo 4:13

Ahapeve, iko mbijetashu kuaretare Tũpa ĩñee, mboihe hareka mykyrẽyshu reta.

1 Tesalonicenses 2:8

Pyndyraihuhaiterã, ha'eã Tũpa Ĩñee Kavi mbe'uhapeveĩpea, yryrykoveave rãnga me'ẽhã pyndyrehe, shara pyndyraihuhaite.

1 Tesalonicenses 2:3

Shara ore mbe'uharã añetevaĩ mbe'uhape, javyhambape, haimbajy porãmbape mbai japohava, hareka mbavapembaa pota mbytavyhava.

Colosenses 3:22

Jokuehareare, opa mba'epe piniñeerẽndushu pokue'õ ko yvy'ĩãrẽ'õre, ha'ẽã maĩ'ẽ pyreherãmeĩ pymba'apo verã pota pẽĩ kavi hãndirãmeĩ. Haikavivepo pyakavipe pijapo hareka Ñandeja pykyjeshiape.

Efesios 6:5

Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

2 Corintios 9:11

Kyrãpo heta mbai ĩmepyre hareka hetavepo pymeẽ. Pymbatyva ỹrỹmbyrahakapi vekua rupiipo heta'ẽ jy'ajetekue meẽshuva Tũpa.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

Romano 13:6

Mburuvishare Tũpa ipope ẽẽ jyve reta hareka japo ñynoĩ japo verã. Hãme rãnga pee pymbyhepy jyve tenta jurureva.

Romano 12:13

Pymeẽveshu pyndyryvyre maĩnunga mba'etyreare. Pymyvãhẽ kavi ou punumbuhupava.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Hechos 13:12

Hãrã mburuvisha ko jehuva heshamarã, roja, shara mbyrymaĩhe Tũpa ĩñee pyrymbo'eaheva ryheva.

Hechos 4:36

Kyrã haire mbytepe ẽjyve mbory'ẽshua paire tũpaope, José he'iashuva, Apostolre mbyheembajypy reta Bernabé, he'iseva “mbypya kaviva hapishare”, hokava hai Chiprepe'õ;

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.