Romano 12:3 - NandevaBiblia

³ Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 12:3 Referans Kwoze

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Corintios 7:17

Kyrãtẽ verã pepenteĩ Ñandeja memeẽshuare rãĩmi, hareka Tũpa hẽnova rãĩmi, kyrã tijapo; kyrã japo opaite tũpao retaipi.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Tito 2:2

Kuakuavare mbai hekopeñoĩpo japo reta, japo kavipohe yngavare hareka ñakavapy verã, tanta jyrojava, jyhaihukuepy hareka jepyhe verã jyhasa'asy.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

Romano 11:20

Haikavi, opa jasyjaha reta shara jyrojãã reta, hareka nde tanta rẽĩ jyrojakuepe. Hãrã avypo riroja ndijehekui; koñeĩ jyrykyje.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

Tito 2:4

Tymboihe kuñataĩre haihu verã ĩmere hareka membyre,

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

Juan 3:34

shara Tũpa mbou vekua ijetahe Tũpa ĩñee, shara Tũpa opaĩ meẽshu jy Espiritu.

Efesios 4:16

Ko tũpao rãnga ẽẽ kavi hareka ñimbivapy ijehe hãrã pepetẽĩ tyrete ryheva japo kavi maĩnungarã, jyvache puã hareka puã kavi jyhaihupe.

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

Tito 2:6

Mykyrẽy jyveshu kunumire ñakavapy verã,

1 Timoteo 2:15

Tẽvã taupe ohojepepo membyrã, jyroja katurã, ẽẽ jyhaihukueperã hareka heko kyamba ñakapory kaviva ryheve.

1 Timoteo 2:9

Kyrã jyve taupere ñimimonde kavipo, pyrỹmymarãkambape, hareka ñymymashiã jyvyĩmbape, avy tivavarehe ñakahaa maĩrã ita verapy, perla, mondeava hepyva retape.

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

Efesios 3:4

Pimbijetama peĩrã, pikuapo pymondo aikuaava hoka Cristo ryheva kuaahamba.

2 Corintios 12:13

Aipota pyhejareii shyhevi ĩme apyrỹmbyposhykarã. Tẽvã pente mbaipe pee pinimishĩĩve yngava tũpao retaivi, she ãĩã jyve apyrỹmbavai verã!

1 Corintios 3:10

Tũpa pya kavirã shypyhyrõ ãñono verã oo jypyrã. Hãma ĩme'ẽ oo mupũãheva, tẽvã pepenteĩpo ñyngarekokavihe marãra mupũã,

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

3 Juan 1:9

Ambyparama kuatia ñandyryvy Cristo ryheva retape, tẽvã Diotrefe potañoĩ huvisharã'ia, pya ohoãhe he'iava.

Colosenses 2:13

Ndeiteri japoa pyndyrehe kova pipire chĩnchĩava ryhevarã, pee pymanomba arykai mbai porãmba vekuape. Katynga, Tũpa meẽ ñande tykove ñanimi'ĩrũheva Cristo, opa hejareii ñandyhevi mbai porãmba vekuarã.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

Efesios 3:2

Shara katu pyhendutẽvã Tũpa meẽsheva ajapo verã, jyhaihukue rupii amba'apo verã pynypãũpe.

2 Corintios 10:13

Tẽvã ore jyrojahããpo irijehe japy ñonoha'orea kutyve, Tũpa rãnga japy ñono ore japoha verã, hareka hai ñonojy'ore vãhẽha ohoape verã.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.