Romano 12:10 - NandevaBiblia

¹⁰ Pimoña hãndia rãĩmipo yngavape ryhaihu jyve, hareka pijapo kavi ijehe.

Romano 12:10 Referans Kwoze

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

Hebreos 13:1

Avy pypoi pijyhaihu shyryvyre.

1 Juan 4:11

Shyryvy ahaihuvare, Tũpa kyrã ñandyraihurã, jaijyhaihupaveĩpo jyve.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

Juan 15:17

Kova hai pijapo verã: Pijyhaihu.

Romano 13:7

Hãme rãnga pymbyhepyñoĩposhu ẽẽva rãĩmi pymbyhepyshu verã, tenta jurureva maĩrã mburuvisha jurureva, pymbyvete maĩrã pymytynonde jyveshu.

Hechos 4:32

Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.

Lucas 14:10

Hãrã nyrẽnohakarã, vapyhapya japype'õpẽĩpo ryvapy, nyrẽnokava ourã heipo nde: “Shi'ĩrũ, tynonde ekua vapy”; kyrãrã nymbyveteitevepo hỹnonde mesape vapy'õre.

Mateo 20:26

Tẽvã pynymbytepe ha'ẽã kyrãĩ verã. Ĩme'ẽ pota vateve'ia pynymbyteperã, opava retapo jokuereiishu,

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Colosenses 1:4

Henduha rãnga Cristo Jesús piroja jyveherã, hareka pyhaihu opaite heko kyambare,

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.