Romano 11:7 - NandevaBiblia

⁷ Hãmera, mbaivara? Israelitare vãhẽãshu reta haire hekava, tẽvã pyhỹrõãvare vãhẽshu hai, hareka ĩrũre Tũpa pya mytãntashi hai,

Romano 11:7 Referans Kwoze

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Romano 9:18

Hãrã Tũpa parekopo, hai pota parekovape, hareka pota pya mytantashiva, hai mytantashi.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 11:5

Kyrãi jyve, ã'ẽpeve Tũpa myhemby vekuamire haire retaivi mbovyĩ pyta Tũpa pya kavikue rupii pyhỹrõvare.

Efesios 1:4

Tũpa rãnga ñanypyhỹrõ Cristo rupii ko yvy jerekue ndei japoharã, heko kyambape jaiko verã hareka mbai porãmba jajapombape Hai hỹnonde. Jyhaihukuepe,

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

Filipenses 1:18

Tẽvã hokava mba'ẽãshe. Hãmeara añetevape maĩrã japuvape, jypyite ijetahaheshe Tũpa ĩñeerãvaĩ shymbyvy'a hareka shymbyvyaveteripo oho.

1 Corintios 10:19

Ha'ẽã rãnga mbai vasuva ta'ãnga, maĩrã soo ta'ãngape me'ẽãva haikaviveva ynga soo retaivi.

Romano 10:3

Haire kuãã Tũpa haiva kuaretare mbyheko kaviva, hai retai pota ñymbyheko kavi jyre ijupe, hareka kyrã iñiñonoã reta Tũpa ñonovape ñanymbyheko kavi verã.

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

Romano 3:9

Aipota hai kova, Judio retara haikavive ñaĩ yngava retaivi? Mba'ety rãnga! Hai ãĩva rãĩmi, ajemaĩpo Judio ñande maĩrã ha'ẽã, opaiteva rãnga ñaĩmeñaĩ mbai porãmba ñymbaikatu ipe.

Juan 12:40

Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Lucas 13:24

Piñyhãã katu piche õche mishĩ'õĩpi. She hai pee hetapo ẽẽ potate icheva, tẽvã katuãpo.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

Hebreos 12:17

Pikuaa rãnga jyve, Esaú pota tuu ohovasashurã, tẽvã mbijicheha hareka ajemaĩ jaheote'i katuveãma yngaijy hai japo vekua.

Marcos 6:52

Shara ĩmeĩteri kuãã reta mbaivara he'ise Jesús pãhã mbyhetarã vẽkua, shara mbai rojãã reta.

Efesios 4:18

hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.