Romano 10:12 - NandevaBiblia

¹² Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Romano 10:12 Referans Kwoze

Filipenses 4:19

Tũpa meẽpojype opava maĩnunga pee pikotẽveva, shara heta mbai ĩmere vate arape Cristo Jesús rupii.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Romano 14:9

Ha'erã rãnga Jesucristo mano hareka kuerajy manovare mbyteivi, ikoshi verã manova hareka hykove teri'iare Ija.

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

1 Corintios 1:2

opaite Tũpa ryhevare Corintope'õre, pee Tũpa pyhyrõ vekuare henta'ĩrũrã kyamba, hareka opa rupi'õre Ñandeja Jesucristo hee hẽno'iare, haire Ija hareka ñande jyve.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 2:4

Tẽvã Tũpa pyryparekova hareka ñandyraihuva ryhevarã,

Romano 15:12

Isaías mbypara jyve: “Pũ'ãpo Isai hapo, ñyngarekohe verã opaite haimba Judiovare, haire hãrõpo'ẽshu reta”.

Hechos 9:14

Hãma ã'ẽ vãhẽ ou kope pai juhuvishare kyrã heishurã, raha mbyperesoka verã opaite ndyree heno'iare.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Hechos 7:59

Hãrã japiteri ñynoĩ itaperã, Esteban jururerã hei: Sheja Jesús, ndepope añono shyrykove.