Romano 1:9 - NandevaBiblia

⁹ Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Romano 1:9 Referans Kwoze

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.

Romano 9:1

She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

1 Tesalonicenses 5:17

Opa ara pirure.

2 Corintios 1:23

Shykovere ãñono ko haiva, ãhẽno Tũpa hesha verã, hai opa kuaa shypyape'õ, potãã pohyite aijetaperã, ahããteri Corintope.

1 Tesalonicenses 3:10

Arape hareka pyharekue jurureha Tũpape pyndyreshahajy verã pynymboryhahe verã pirojakuepe mba'etypeva.

1 Tesalonicenses 1:2

Me'ẽhãñoĩ pyndyrehe yry'ajetekue Tũpape, hareka ñymbo'eharã mandu'ahañoĩ pyrehe.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Filipenses 1:4

Hãrã ãĩmboirã, vy'apeñoĩ shymandua pyndyrehe,

Hechos 27:23

Shara je'i pyhare Tũpa jokueva ijeshakashe, she amombai'area,

Hechos 19:21

Kova mbai opama hasarã, Pablo hei oho verã tenta Jerusalenpe, hasa verã Macedoniaipi hareka Acayaipi. Haivi heijy haipema'ẽrã oho verãjy Romape.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

Filipenses 2:22

Tẽvã pee pikuaama marãra haikavi Timoteo heko, hareka shyray rãĩmi shymbory ambeu verã Ñee kaviva.

Galatas 1:20

Añeteva kova ambyparapeva. Tũpa kuaa shapuãrã!

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

Hechos 24:14

Tẽvã she aimbeupo, sherure ñu Tũpa rãnga amba'aposhu, ãĩme'ãĩ Tape Py'ahuape tẽvã haire heishu hekopemba'õ, shara aroja opa mbai Moisés mbypara vekua hareka Tũpa ĩñee mbeu'iare jykuatia.

Hechos 12:5

Hãrã Pedro karcepe teri'ẽ ñyngarekoha'ẽheape, tũpaope ẽvãre jurure pevẽĩ ñynoĩhe Tũpape.

Hechos 3:26

Pee pevarã tynõnde Tũpa mupuãjy tay Jesucristo, hai rupii pipity verã jyhovasa hareka hejaka pyndyhevi verã mbai porãmba pijapopi vekua.

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Marcos 1:1

Ñee kaviva õñepyrõhea Jesucristo ryheva, Tũpa tay.

Filemon 1:4

Filemón, Tũpape ameẽñoĩshu shy'ajetekue shymanduama ndyree airurema ãĩrã,

Filipenses 1:3

Ameẽñoĩshu Tũpa shy'ajetekue shymandua pyndyreherã.