Romano 1:30 - NandevaBiblia

³⁰ ijeta porãhe yngare, heshatãã reta Tũpa, pya mbijetavape hei reta haire haikaviveva hareka kuareta retape heiñoĩjyre haire haikaviveva, nohẽñoĩ reta py'ahuva marãrapo japo reta mbai porãmba, hareka ñee henduãshu reta tuure.

Romano 1:30 Referans Kwoze

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

Santiago 4:16

Katynga, pypya'ohe piroja pindijeheva ryheve pijetarã. Opaite kyrã jyroja'ijeheva porãã.

Santiago 3:5

Kyrã jyve ñaneku; hai pente ñandyretere'õ ryheva mishĩĩva, tẽvã katu heta mbai jepyhe. Pyhesha marãra tata mishĩtẽvã katu ñana tivisha'õva opaĩ hapy.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

2 Corintios 10:15

Jyrojahãã'ihe yngavare japova ore japoha vekua rãĩmi, koñeĩ hãrõhã pupũãve peho verã jyrojakuepe, kyrã piñymbyhetave verã, õhẽãmbashiape irĩñonoãvaivi,

Romano 3:27

Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

Romano 2:23

Rirojahe ĩmeryre Moisés mbypara vekuarã, tẽvã rijapoã, kyrã remomba'ẽãshu Tũpa.

Romano 2:17

Nde rĩmbyheeriva Judio, rirojahe Moisés mbypara vekua hareka nu Tũpa rehe rirojajy ndijehe.

Hechos 5:36

Pynymanduarahe kyyãteri Teudas puãrã vekua, oñemombai vasu vekua hãrã mi'ĩrũ 400 kuimbai rupii tẽvã hai jukahamba haivi opaite iko'i hipiare opa ñymomohẽ hãrã opareii.

Lucas 21:16

Hãrã peru retaavepo pũã pyndyrehe, pyndyryvyre, pynyrẽtãre hareka pini'ĩrũre: Ĩmepo'ẽjy a'ãmore peeva pindijukava.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 15:4

Tũpa rãnga hei: “Emombaishu nderu hareka ndesy, shara jaheheva tuu hareka ishy, jukahañoĩpo”.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.