Romano 1:25 - NandevaBiblia

²⁵ Haire myngovia Tũpa añeteva japureiiva retape; ohohe reta hareka õmombaijyre maĩnungare Tũpa japo vekua, Tũpa pyrapo vekuatẽ verã, haiñoĩ ẽẽshu opa arape õmomba'ea verã, Amén.

Romano 1:25 Referans Kwoze

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Romano 1:23

hareka ynga ñonojy reta Tũpa jyhaihu hendakuepe, õmombaitẽ verãre Tũpa ikova opa ara, haire õmombai tarã'ãnga kuimbai manova ryheva hã'anga; vyrare, mymba urũndy ipyreva hareka mymba pitiareĩ vatavare.

2 Timoteo 3:4

Mbytavypo hapishare, pya mbijetamba ryheve mbai japo, jyroja ijehe, Tũpa heiva japotẽ verã, ha'eire potavaĩ japove reta.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

Mateo 10:37

Tuu hareka ishy haihuve shyheviva, katuãpo ikoshi sha'ãporã. Ĩme'ẽ haihuve shyheviva tay hareka tajy, katuãpo ikoshi sha'ãporava.

Efesios 3:21

Opaite tũpao Cristo ryhevare ñaĩva ñamombaiñoĩshupe. Amén.

Juan 2:8

Jesús heishu reta: “Ã'ẽ mĩshĩĩ pynohẽ, pyrahashu karuvasu ñyngareko'ẽhea”. Hãrã kyrã japo reta.