Romano 1:20 - NandevaBiblia

²⁰ Tũpa opava japovare rupii heshaka katumba heshahaheva, ñymbaikatukue opamba ryheva hareka haiteiva hai Tũpa. Hãme rãnga mba'etyma hei verãre.

Romano 1:20 Referans Kwoze

Romano 1:19

Kova kuaretare opa kuaa Tũpa jaikuaashi verã, shara Tũpatei mbyheshaka reta.

Romano 2:15

Kyrã heshaka reta haire ĩmereare pyape, ñee mbyparahava Tũpa ña'ãpova. Haire pyape'õtei my'añeteshu reta, hareka pya mbijetaheape heiposhu reta haikavivara maĩrã porãmbara.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 15:22

Hãma aĩã aijetashu retarã, haire mba'etytẽre verãre mbai porãmbava. Tẽvã ã'ẽ katuveama heky ijuhuvi reta mbai porãmba vekua.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

Colosenses 2:9

Shara opaite Tũpa heko ẽẽhe Cristo hykove hareka hetere,

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Romano 2:1

Hãme rãnga mba'etyma rere ndijehe verã, jaishu ĩmerãẽva nde rĩmbivachekariva. Kyrã rijaporã ndeiima rĩñimbijichekari, shara haire rãĩmi rijapo jyve maĩnunga.

Colosenses 1:15

Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Hechos 17:29

Tũpa ñymoñashia ñanderã, katuãpo ñandypya ñambijetarã Tũpa ñambivachehe, ita verava ijuva, ita vera tĩĩva maĩrã itaivi kuaretare japova.

Hebreos 11:27

Jyrojakue rupii Moisés heja yvy Egipto, mburuvisha vasu kyjembashiape, ñymypyrãnta katuhe hesha'ẽva rãĩmi Tũpa Heshahambava.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Hechos 22:1

Terure hareka tyryvyre, pyhendu ko hai shijeheva.

Marcos 10:6

Tẽvã jypyiterãvãimba Tũpa japo “kuimbai hareka taupe”.

1 Corintios 1:20

Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.