Romano 1:17 - NandevaBiblia

¹⁷ Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

Romano 1:17 Referans Kwoze

Galatas 3:11

Hãme rãnga jaikuaa kavi mba'ety rekohashua heko kaviva rãĩmi Moisés mbypara vekua rupii. Shara Tũpa ĩñeepe hei: “Heko kaviva ikopo jyroja rupii”.

Hebreos 10:38

Opa mbaipe heko kaviva jyrojakue rupiipo iko, tẽvã haykue ohojyva avy'ããpo hãndi reta.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Romano 9:30

Mbaivarapo ja'eshu kova? Jyrojakue rupii rãnga Tũpa opa mbyheko kavi haimba Judiovare. Hokava he'ise jyrojakue rupii haimba Judiovare hipityva teko kavikue;

Romano 3:21

Tẽvã ã'ẽ, arykai ñee me'ẽã vekua rãĩmi ñee mbyparahava japoa verã hareka Tũpa ĩñee mbeu'iare jy'arape, ã'ẽ Tũpa ñanymbyheko kavi tekotẽvemba jajapova ñee mbyparahava japoa verã.

Romano 3:3

Ĩme'ẽ Judiovare Tũpa ĩñee rojambarã, hãmera haire rojaarã, Tũpa japoãpo jyve hai ĩñee meẽ vekua?

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Romano 10:3

Haire kuãã Tũpa haiva kuaretare mbyheko kaviva, hai retai pota ñymbyheko kavi jyre ijupe, hareka kyrã iñiñonoã reta Tũpa ñonovape ñanymbyheko kavi verã.

2 Corintios 3:9

Shara Moisés mbypara vekua ñandukava hĩmbipemba aryka'e, hãrã hĩmbipeitevepo hai kova, meẽ ñande ñimbivacheva ryheva.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.