Romano 1:14 - NandevaBiblia

¹⁴ Ambeuñoĩpo ko Ñee Kaviva opavape, griego retape hareka haimba griegova retape, ñymboi pytambare hareka ñymboimba'iare.

Romano 1:14 Referans Kwoze

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

2 Corintios 11:19

Pee rãnga hetaite mbai pikuaarã, vy'ape pyhendushu kuakuamba'iare.

Romano 16:19

Oparupi mbe'uha piniñeẽ rẽndurã, hokava shymbyvy'a. Aipota pyny'arãndu haikaviva pijapo verã, hareka pikuaãpopi porãmba pevarã,

Romano 13:8

Avy jipiashu mbava. Koñeĩ jaipiahe verã hai jaijyhaihu opaiteva; shara hapisha haihuva, opa kavima japo ñee mbyparahavape heiva rãĩmi.

Romano 8:12

Hãrã shyryvyre, ĩme'ẽ jajapoñoĩ verã, tẽvã ha'ẽã ñandyrete potava rãĩmi.

Romano 1:22

Ajemaĩ hei ijehe reta ĩñarãnduva, tẽvã ou mbai'ãĩteve kuaajy reta,

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

2 Corintios 10:12

Katuããny ñimbivachea hãndi hareka ñymyha'angahe ijehei ijeta kavi'iare, hairetateiva ñono marãrapo iko, hãme rãnga ñyhããjyre ijupe, ha'ire ñimbivachejyrerã, katynga kua'ãĩtei japovare.

1 Corintios 14:16

Nde espiritupeĩ Tũpa rẽmombairirã; marãĩrapo rimboivape rĩñymypente hãndi ndapisha kuãã ndyhevirãme? Katuãpo japo, shara kuãã ndyhevi rereva.

1 Corintios 14:11

Tẽvã aikuãã ñee mbaivara he'iserã, she hãĩpo tenta yngaivi ouva ijeta'ẽshea, hareka ijeta sheva hãĩpo jyve she pevarã tenta yngaivi ouva.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 2:13

Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Hechos 28:4

Haipe'õre hesha Pablo ipore mboi savava'irã, hei ijupe reta: Kova kuimbai imerã puruka'ia, shara yyvasu ohojepematẽshia, tẽvã vate araivi pirĩmbivachekava mã'ẽĩãpohe ĩmeĩ'i verã.

Hechos 28:2

Haipe Maltape'õre ỹrỹmyvãhẽkavi reta, shara ro'y hareka haivi'ẽseverã. Hãrã haire tata jatapyvasu, haipe yrỹrẽno reta jype'eha hãndi verãre.

Lucas 10:21

Haipe Jesús Espiritu Santo rupii vya'irã hei: Ãrẽmombai vasu Sheru, ara hareka yvy Ija, shara kova mbai rĩñomishi ĩñarãnduvare hareka mbai kuaavare, hãrã rikuaakashu mbaimba kuaavare. Shara Sheru, nde kyrã ripota.

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.