Mateo 9:4 - NandevaBiblia

⁴ Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?

Mateo 9:4 Referans Kwoze

Lucas 6:8

Jesús opa kuaa haire pyape hei ñynoĩva, hãrã heishu kuimbai ipo japavape: Puã, ñymboy kuaretare mbytepe. Hãrã kuimbai puã ñymboy.

Mateo 12:25

Jesús kuaa haire heiñynoi pyaperã heishu reta: Opaite tenta vasure ñimbijaova oñehundipo. Ĩmerãẽa tenta hareka henta ijupi ñyrãrõrã, oñehundipo jyve.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.

Juan 16:30

Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.

Lucas 11:17

Tẽvã Jesús kuaa'ẽ haire pyape'õrã, heishu reta: Mburuvishare ijupi pũãva, hareka ñyrãrõva opapo ñymbai; pente oope'õre ijupi pũãva, opaĩpo ñymbaĩ jyve.

Hechos 5:9

Haipe Pedro heishu: Marã'irãra penteva ñeepe piñiñono pindijapushu verã Ñandeja je Espiritu? Hokapema vãhẽjy jyveru neme hetekue raha ñotyvare, hãrã haire ã'ẽ ndyrahapo jyve niñoty verã.

Juan 16:19

Jesús kuaa haire pota pyrãndu jyreshurã, heishu reta: She rãnga hai peeje vãhẽserima shyreshaveamapi verãpe, tẽvã kutymijyapepo shyreshapijykui. Haira hokava pypyrãndupi ijupe?

Juan 6:64

Tẽvã, ĩmeteri'ẽ pynymbytepe rojambava. Shara Jesús opamãĩ kuaa mbava retara rojãã, hareka mbavara pysykapo.

Juan 6:61

Jesús kuaa mboireare ijeta jyrehe ñee hei vekuarã, pyrãndushu reta: Ajetẽãra'ẽpe kova?

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Lucas 5:22

Tẽvã Jesús opaĩ kua ẽẽ haire pyape hei õrã pyrãndushu reta: Marã'irãra kyrã pypya pimbijetapi?

Marcos 12:15

Tẽvã Jesús kuaa potai kyrã jyrerã heishu: Marã'ĩrãra aapy verã piñonopẽĩ she? Perushe pente nikere tamaĩhe.

Marcos 2:8

Tẽvã Jesús kuaaravĩĩ mbaivara hei ñynoĩ pyape, hãrã heishu reta: Marã'ĩrãra kyrã pypya pimbijetapẽĩ?

Lucas 7:40

Haipe Jesús heishu fariseo: Simón, ĩme are pente mbai hai nde verã. Fariseo hei: Mbeushe, pyrỹmboi'ia.