Mateo 9:37 - NandevaBiblia

³⁷ Haipe Jesús heishu mboireare: “Ãñete ñotyãvare hetate'õ, tẽvã mynõõ'ia reta mbovyĩ jyre.

Mateo 9:37 Referans Kwoze

Lucas 10:2

Jesús heishu reta: Ãñete heta'ẽ timĩty javyjemava, tẽvã mbovyĩjyre mba'apo'iare. Hãrã pirureshu koo Ija, tymbou mba'apo verãre, mynõõ verã koo hupi'õ.

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Hechos 16:9

Haipe Pablo pyhare hesape'ẽ pente kuimbai Masedoniape'õ ñymbou'ẽ hareka jurureshu: “Ei Macedoniakyty, yrỹmboryvei”.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

Colosenses 4:11

Pynymymarãndu jyve Jesús, Heko Kaviva he'iashua. Kova mbahapy'õ retaĩñoĩte rãnga jyroja israelitare mbyteivi mba'apo shendie Tũpa ẽvãpe'õ ryheva pevarã, hãrã haire heta shymykyrẽỹ.

Hechos 18:10

Shara she ãĩme'ãĩ nendie, mba'ety poko ndyrehe verã maĩnunga porãmba japo ndyrehe verã, shara heta'ẽ kuaretare jyroja shyreheva ko tentape.

Mateo 9:38

Hãrã pirureshu koo ija hareka tymboushu kuaretare mba'apo verãre”.

Mateo 20:1

Huvisha vasu vate arapy'õ, ova koo ija õhẽva kõ'ẽĩ heka mba'aposhu verã ju'uva rẽndape.

Santiago 5:4

Pymaĩhe, koohupi mba'apo'iare mbyhepyambashuvare, pymbytavy pyrerã pymbyhepyãshu hareka haire jurure'asyvare vãhẽ Teja Ñymbaikatuva japysape.