Biblia Todo Logo
Bib sou entènèt

- Piblisite -




Mateo 9:27 - NandevaBiblia

27 Jesús õhẽjy haivirã, haykueivi ou mokue kuareta heshamba kũvãĩpiare, sapuke jyveru: Yryparekomĩnteve David tay!

Gade chapit la Kopi




Mateo 9:27
24 Referans Kwoze  

Pente taupe Canaanpe'ia, ñymboja Jesús ẽvãperã sapuke: Sheja, David tay, shyparekomĩteño! Shymemby taupe ĩme'ẽ mbaiposhy ĩmere, hareka mbypaveteitereshu.


Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.


Sheja, parekomitẽ ko shyray, hai rãnga ñymba'asy vãhẽmajyshurã opa mbyryry hareka juru mbytyryju, hetama oa tatape, ãmõpe yypy ityjy.


Mbyparahavape rãnga hei: Hokava Cristo haipokui huvishavasu David ñymoñashi vekua hareka Belenpe'õ, David henta, haivipo ou Cristo.


Haipe kavi Jesús mynguera heta ñymbairasy vekua, iko asyva, hãndi mohẽ mbaiposhyre, hareka heta mynguera heshamba kuvãipiare.


Tũpa tymãĩkavihe David rãĩmi mburuvisharã ouva! Tymbyveteha vate arape, Tũpa vateve'õ!


Hetajy rãnga ityshu tatape hareka yype potaite jukarã; ĩme'ẽ katu rijapohevarã, yrypareko hareka ỹrỹmborymitẽ.


Hãrã kuaretare tynonde hareka taykue ohovare õñepyrõ sapukerã hei: Tũpa ohovasa mburuvisha vasu David Tay! Toñemombai Ñandeja heepe ouva! Toñemombai Tũpa!


Kova hai tyree arykaivare Jesucristo ndei ourã vekua, hai David hareka Abraham ñymoñashiare.


Pai ruvishare hareka Moisés mbypara vekua pyrỹmboi'iheare heshama mbaikavi heshaha verã Jesús japova, hareka hendu mãrãra sanjayre sapuke tũpaope: “Tũpa tymãĩ kavihe mburuvisha vasu David tay!” Hãrã poshy jyre.


Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.


Hãrã Jesús heishu reta: Mbaiva rupiira he'iahe Cristo, David tayva?


haivi sapuke jyrerã hei: Jesús, Pyrỹmboi'ia, yryparekomitẽvei!


Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,


Jesús ichema o'iperã, vãhẽ jyveru mokue kuareta heshamba kũvãĩpia, haivi Jesús pyrãndushu reta: Pyrojara she apyrỹmynguera verã? Haire hei: Yreja, rojaha rãnga.


Hãrã Jesús hareka mboireare õhẽma tenta Jerikoivirã, heta'ẽ kuaretare ohova haykue.


Swiv nou:

Piblisite


Piblisite