Mateo 8:4 - NandevaBiblia

⁴ Jesús heishu: Avy mbava mbeushukui, ekua ijeshakashu paire, meẽkui Tũpa rymeẽshu verã Moisés mbypara vekuape heiva rãĩmi, hãrã paire heshapokui rykueramava.

Mateo 8:4 Referans Kwoze

Lucas 17:14

Jesús heshamãrã heishu reta: Pekua pijeshakashu paire. Haivi jyraha retarã opa kuera.

Lucas 5:14

Hãma Jesús heishu: Avy mbavape mbeukui. Koñeĩpo reho rijeshakashu pai, hareka raha meẽ opama ndoheava Moisés hei vekua rãĩmi, opavare hesha verã rykueramava.

Marcos 7:36

Hãma Jesús heishu reta avy mbavape mbeu verãre, tẽvã kyrãte he'iashuva ñymyrõĩteve opa mbeushu kuaretare,

Mateo 9:30

Hãma hesare opa kueraherã hesha kavijy reta. Jesús hei kavijyshu: Avy mbava pymbeushukui kova ikova.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Marcos 5:43

Tẽvã Jesús heishu reta mbeumba verãre yngavape ikova, haivi heishu myngaru verãre kuñataĩ ray.

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 10:18

Pyndyrahapo mburuvishare mbory'õre hỹnonde, hãrã pee pijetapo shyrehe, hareka opaite jyrojamba retape

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Mateo 5:17

Avy pimoã ai ambai verã Moisés mbypara vekua hareka Tũpa ĩñee mbeu'iare pyrỹmboihe vekua; she aiã ambai verã, koñeĩ hekope kavi ajapo verãi rãnga.

Juan 8:50

She aipotãã mbava shymbyvete; tẽvã ĩme'ẽ hekava hareka hai ẽ shendie.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Juan 5:41

She ahekãã kuaretare ijeta kavi shyrehe verã.

Lucas 21:13

Kyrãrã pyrekoñoipokui pymbeushu verãre.

Marcos 8:30

Jesús hei jyvyĩshu mboireare, potamba kova mbai mbavape mbeu verãre.

Mateo 16:20

Hãrã Jesús hei kavijyshu mboireare potambaa mbavape mbeu verã haiva Jesús, Cristo he'iashua.

Mateo 3:15

Jesús heishu: Ã'ẽãra kyrãĩpo ryheja, haikavive rãnga jajapo hekope kavi Tũpa potava. Hãrã Juan japo Jesús heishuva rãĩmi.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Marcos 3:12

Jesús ñyngãtape heishu reta potamba mbeu verãre, mbavara hai.

Marcos 9:9

Vejyjyma jyveru yvyturusuivirã, Jesús heishu reta avy mbavape mbeu verãre ko heshava, kuareta Tay kuerajypeve manovare mbyteivi.

Lucas 4:41

Heta ñymbairasy vekuaivi õhe jyve mbaiposhy sapuke jyrerã hei reta: Nde hai Tũpa Tay. Tẽvã Jesús poshy ryheve ijetashu reta hareka mã'eĩahe ijeta reta, shara haire kuaa Cristorã.

Lucas 8:56

Tuu hareka ishy reta opa myngyje; tẽvã Jesús heishu reta, potamba mbavape mbeuvare ko iko vekua.

Lucas 9:21

Jesús hei jyvyĩshu reta potamba kova mbavape mbeuvare.