Mateo 7:6 - NandevaBiblia

⁶ Avy pymeẽshu ñaũmba mbai kyambaa, mahẽ jere pykotyrã opa pususukui, avy pymomboshu mãĩnũnga hepyva kushire hỹnonde, mahẽ opareii pyrõhekui.

Mateo 7:6 Referans Kwoze

Filipenses 3:2

Pingareko katu pijeheshi tykove ñaumba rãĩmi'ivare, porãmba mba'apovare, hareka pyndyrete pota chĩchĩvare.

Mateo 15:26

Jesús heishu: Porãã rãnga jahekyshi sanjay houva ñameẽshu verã ñaũmbare.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

2 Pedro 2:22

Hai rehe iko añeteva ñee heiva: Ñaumba houjy ñyvẽ'ẽkue, kushi opa mbijahuarã oho japajerejy tujupy.

Mateo 24:10

Hoka arape, hetapo'ẽ jyroja shyrehevare, poi jyroja shyrehe verã. Hokavare jyhaihuveamapo reta, õñehãpo ijity verã mburuvishare ipope.

Hebreos 6:6

hykuaĩ oajyrã, katuveãmapo ñymbeujy retakui Tũpape, maĩny haire hykuaĩpo Tũpa Tay jukarã kurusure ñonojy retakui hareka ñymbyhorypohe kuaretare hỹnonde.

2 Corintios 11:26

Oparupi aha, heta porãã ahasa yysyryvaipi, manarõ'iare mbyteipi, ãĩmoã ryheve sherẽtarãre mbyteipi, Judiomba retaivi hareka tenta yngavaivi ouvare mbyteipi. Hareka heta ahasa porãã tentaipi, yvy ikoamba retaipi, yyvasu hupi, hareka sherẽtarã rã'angare mbyteipi,

Mateo 7:5

Hova mokue'ia! Hekyrãni yvyra marẽyva ndyresape'õ ryheshakavi verã, hãrãpo ryhekyshi yvyra ku'i ndyryvy hesape'õ.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.