Mateo 7:14 - NandevaBiblia

¹⁴ Tẽvã õche hareka pe ohova tykove kyty mishĩĩ hai, javai javatahupi. Hãrã mbovyĩ'ẽ vãhẽshuva.

Mateo 7:14 Referans Kwoze

Mateo 22:14

Jesús poi ijeta verã hei: Hetavape rãnga hẽnoha, tẽvã mbovyi'ẽ pyhyrõãvare.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Marcos 8:34

Haipe Jesús hẽno mboireare hareka kuareta retarã hei: Ĩme'ẽ pota shaykue ouvarã, tiñymbysare ijuhuvi, tuhupi jukurusu, tou shaykue.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Mateo 20:16

Kyrãpo tynonde'õre mbytaykueha, hareka taykue'õre mytynõndeapo. Hetavape rãnga hẽnohã, tẽvã mbovyi'ẽ pyhyrõãvare.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Romano 9:32

Marã'ĩrãra hipityã reta? Shara japovare rupii pota hipity reta hareka ha'ẽã haire jyroja retarã. Hãme rãnga vapihe reta “ita pyrỹmbyvapi'õ”.

Juan 16:2

Pymohẽãpokui Judiore ñymbatyseavi, hareka vãhẽpo ara mbava pindijukamarã, mõate haikaviva japova Tũpa pevarã.

Mateo 7:13

Piche õche mishĩĩvaipi pyryrahava Tũpa huvisharã'õpe. Shara tivisha hai õche hareka pe pyryrahava Ãña ẽvãpe, javaiã javatahupi, hãrã heta'ẽjy icheva hokava õcheipi.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.