Mateo 6:5 - NandevaBiblia

⁵ Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Mateo 6:5 Referans Kwoze

Mateo 6:2

Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Lucas 18:13

Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Marcos 11:25

Pimboipeĩrã, pyhejareiishu ĩmepyre porãmba papisha hãndirã, hãrã Ñanderu vate arapy'õ, hejareiipo jyve pyndyhevi porãmba pijapo vekua.

Lucas 20:47

Hãma ĩme manoshi vekua hoore heky jyreshi, hãrã ñemipy verãre puku rã'ãnga ñymboi reta. Kovare hetaveepo nupãhãkui.

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

Lucas 18:1

Jesús mbeushu reta pente ñee ñymyhã'ãnga mboishu verãre, ñymboiñoĩ verãre, hareka ñymykangymbape.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Lucas 11:43

Tengapope fariseore! Potañoĩ Judiore ñymbatyseape vapyhapya tynonde'õ pyvapypy, hareka potañoĩ pe vataha'õĩpi pynymarãnduha mbaivasuva rãĩmi.

Mateo 21:22

Opava maĩnunga pee pirureshuva Tũpa, pirojakue rupii pipitypo.

1 Tesalonicenses 5:17

Opa ara pirure.

Juan 16:24

Ã'ẽpeve mba'ẽãteri pirure shyreepe; pirure hãma mẽ'ẽãpope pynytynyhẽ verã vy'akue.

Marcos 12:38

Jesús pyrỹmboirã heishu reta: “Pimoãshi Moisés mbypara vekua pyrỹmboi'iheare, haireta rãnga haikavishu iko mondeva pukuherã, hareka pota marãnduha reta vatahava retaipi karai vasure rãĩmi.

Mateo 9:38

Hãrã pirureshu koo ija hareka tymboushu kuaretare mba'apo verãre”.

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Mateo 23:6

Hãrã haire pota vapypy vapyhahea mashyãva ñymyngaruha'õpe hareka Judiore ñymbaty'õpe,

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Lucas 6:24

Tengapope piko katuva, ã'ẽvaĩ pyvya peĩva!