27 Mbavara ojepy'apyve'irã, iko pukuvepota?
Kyrãijy avy pymeẽ piniñee pãnkare, shara pente tãnkahambaa katu pimitĩĩ hareka pumũhũũjya.
Tẽvã Tũpa ñonombahe ñandyrete ryhevare hai potava rãĩmi.
Hãrã she hai pee: Avy pejepy'apyhe peu verãre, hareka pymonde verãre. Ha'eãra hai mbai vasuveva ñandykove timbiuvi hareka ñandyrete mondeavaivi?
Marã'ĩrãra pejepy'apy pymonde verãre? Pymaihe yvoty ñuhupi'õre mãrãra heñorã vate oho, mba'apombaa ñymonde verã.
Hãmeara avy pejepy'apy pypyrãndupi pijupe: Mbaivara jaupo? Mbaivara ñambusururutẽpo? Mbaivara ñamõndetẽpo?
Avy pejepy'apy paree verãre, shara paree verã rekojy yngaa jepy'apy. Opaiteva arare, reko heta jepy'apy.
Tẽvã Jesús heishu: Marta, Marta, opa mbai rijapo verãre rĩkangyrihe hareka rejepy'apyherihe;
Pyrahaha Judiore ñymbatyseape, karai vasure hareka mburuvishare hỹnonderã, avy pejepy'apy marãrapo hareka mbaivara perepo pymaĩ hỹnonde verã;
Haivi Jesús heishu mboireare: Hãrã hai pee: Avy pejepy'apyhe pyndyrykove, peu verãre, maĩrã pyndyrete monde verãre;
Avy pejepy'apy maĩnungare, opa pymbeu Ñandejape pimboimarã, pirureshu hareka pymeẽshu pyndyvy'akue.
Opava pejepy'apyhevare pyheja Tũpa ipope. Shara Hai ñyngareko'ẽ pyndyrehe.
