Mateo 6:2 - NandevaBiblia

² Hãrã rymbory ikotẽvẽvarã, avy mbeu'i oparupi. Japosea rãĩmi hova mokue'iare Judiore ñymbatyseape hareka vataha'õ retaipi; haire kyrã japo ijetaha kavihe verãre. She haima pee kyrã haire opama mbyhekoviashu reta.

Mateo 6:2 Referans Kwoze

Mateo 6:5

Hãma pirurerã, avy pirure hova mokue'iare rãĩmi, hai reta rãnga haikavishu ñymboyvape jurure Judiore ñymbatyseape hareka vataha'õ retaipi ijeshakashu verã kuaretare. Ãñeteĩte hai pee, kyrã haire opama myngoviahashu reta.

Mateo 6:16

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire.

Juan 5:41

She ahekãã kuaretare ijeta kavi shyrehe verã.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

Lucas 20:46

Pingareko pindijeheshi Moisés mbypara vekua pyrỹmboi'ihea retaivi, haire pya'ohe mondeva puku ryheve, pota vataha õĩpi marãnduhashu karai vasure rãĩmi; haire heka vapyhapya tynonde'õ Judiore ñymbatyseape hareka karuvasu õĩpi.

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

Efesios 4:28

Hoka manarõ'i vekua, ỹnteño tymanarõ hãma tiñiñono tymba'apo, tijapo maĩnunga kavi ipo rupii ĩmere meẽ verã jyve pavete'ia retape.

Galatas 2:10

Koñeĩ pente mbai jurure, ore mandu'ahe verã pavete'iare, hãrã she aingareko kaviape ajapo.

Hechos 10:4

Kornelio haipe mãĩ'ẽhe Tũpa jokuevarã kyje ryheve pyrãndushu: Mbaivara ripota, Sheja? Tũpa jokueva heishu: “Tũpa hendu rirureshuva hareka vy'aite'i rijapovare, pavetevare rymboryshurã.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

Romano 12:8

hãrã ñapyrỹmykyrẽỹ verãrã, ñapyrỹmykyrẽypo. Hãma mbai ĩme jarea ñameẽpotarã, jahaihumbapepo ñameẽ. Mbai ñamiñaka jai verãrã, jajapo kaviñoĩpo. Hareka maĩnunga mba'etyrea ñamborypotarã, vy'apepo ñambory.

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Hechos 10:31

Hãrã heishe: “Kornelio, Tũpa henduma rirureshuva hareka opama hesha rijapova, pavetevare rymboryshurã.

Hechos 10:2

Kornelio hareka hĩjapore hãndi haihuva hareka kyje Tũpaivi. Heta Judiore paveteva mbory hareka ñymboiñy'iva Ñanderupe.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

Juan 13:29

Judas rãngamba kyrypoti hyru ñyngareko'ihea, hãrã ĩme'ẽ mõãte Jesús heishua oho ova verã mba'etyshuare Pascua pevarã, maĩrã, mẽmeẽshu verã maĩnunga pavetevare.

Juan 5:44

Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Lucas 6:42

Mãrãrapo rereshu ndyryvy: “Shyryvy, tanohẽ ndyhevi yvyra ku'i ndyresape'õ”, nde jyve ryheshambarẽiva yvyra mãrẽỹva ndyresape'õ? Tykove hova mokue'ia! Nohẽ rãni yvyra mãrẽỹva ndy resapy õ, haiperã katu ryhesha kavi rynohẽ verã yvyra ku'i ndy ryvy hesape õ.

Marcos 12:39

Haire heka haikavivevape vapy verã Judiore ñymbatyseape, hareka ñymyhenda kavi karuvasu ikova retaipi.

Filemon 1:7

Avya ãĩ hareka shymykyrẽỹ jyhaihu ĩmeryreva, shara nde shyryvy pyape rỹmykyrẽỹjyshu reta Tũpa ryhevare.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Lucas 13:15

Ñandeja heishu: Pee tykove hova mokue'iare! Peera pijoraã kueĩpi punurũmba buey, maĩrã mbirika putu'uava jy'arape pyraha pymbyu verã?

Lucas 12:56

Pee tykove hova mokue'iare! Pee pikua kavi arare hareka yvy'ĩãrẽ pymaĩrã mbaivara ikopo. Hãmera mãrãĩ pikũãã iko'ẽvã ã'ẽ arape?

Lucas 12:33

Pevende opaite ĩmepyreva, hãrã pymeẽ mãĩnũnga mba'etyreape; peñehããhẽ vosa soro mbava, jaishu, mbai hetava ara vate'õpe, manarõ'ia ichemba verãpe, hareka kupii houmba verãpe.

Lucas 11:43

Tengapope fariseore! Potañoĩ Judiore ñymbatyseape vapyhapya tynonde'õ pyvapypy, hareka potañoĩ pe vataha'õĩpi pynymarãnduha mbaivasuva rãĩmi.

Lucas 11:41

Hãma pymeẽ pã'ãpova mba'etyrea retape, hãrã ky'ãpo'ẽkui pyndypya.

Lucas 6:24

Tengapope piko katuva, ã'ẽvaĩ pyvya peĩva!

Marcos 7:6

Jesús heishu reta: Pee hova mokue'iare! Hei kavi pyndyrehe Tũpa ĩñee mbeu'ia Isaias, jykuatiape heiva rãĩmi: “Kova tentape'õ reta rãnga jurupeĩ shemombai jyre, tẽvã pyare mbyry'ẽ shyhevi.

Mateo 24:51

jokue'õ ñũpa pohyposhu hareka mondopo hova mokue'iare ẽvãpe. Hãrã haipepo jaheo hareka hãĩ mbupurupo'i.

Mateo 23:6

Hãrã haire pota vapypy vapyhahea mashyãva ñymyngaruha'õpe hareka Judiore ñymbaty'õpe,

Mateo 22:18

Jesús kuaa potai kyrãĩ hei jyreshurã, heishu: Pee hova mokue'iare! Marã'ĩrãra pota shiñono porããpi?

Mateo 16:3

Parejyrã pere: “Yvytu porãpo ou, shara ara pyntavasĩ hareka opa ñy'ãvãpyntu'ẽ”. Pee rãnga pikuaa mbaivara ikopo arare pymãirã. Pyrỹmbytavyĩ'iare, marãira pikuãã mbaivara he'ise kova mbai heshahava?

Mateo 15:7

Hova mokue'iare! Heikavi pyndyrehe Tũpa ĩñee mbeu'ia Isaias, heirã:

Mateo 7:5

Hova mokue'ia! Hekyrãni yvyra marẽyva ndyresape'õ ryheshakavi verã, hãrãpo ryhekyshi yvyra ku'i ndyryvy hesape'õ.

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Mateo 6:3

Hãma ĩme'ẽ peeva pavete'iare mboryshuva, avy mbavape tymbeu.

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

1 Corintios 13:3

Opa ãmemeẽshu ĩme'area paveteva retarã, hareka ameẽ shyrete hapyha verãrã, tẽvã apyryraihuãrã, mbaivapeã haikavi she.