Mateo 6:10 - NandevaBiblia

¹⁰ Tou ỹrẽãrẽ mburuvisha vasurãrẽĩvavive vateivi ouva. Tijapoha nde ripotava ko yvy'ĩãrẽ, vate arapeva rãĩmi.

Mateo 6:10 Referans Kwoze

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

1 Tesalonicenses 5:18

Pymeẽshu Tũpa pyndy'ajetekue opa mba'ere, hokava rãnga hai pota pyndyheviva, pee pyrojava Jesucristo.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Mateo 7:21

Ha'ẽã opaiteva heisheva: “Sheja, Sheja”, iche verã vate arapy huvisha vasurã ẽvãpe, koñeĩ Sheru vate arapy'õ potava japovãĩpo ichekui.

1 Pedro 2:15

Shara kova hai Tũpa potava: Mbai kavivaĩpo pijapo, kuareta mbaimba kuaava hareka mbaimba kuavare mba'etyre verã hei pyndyrehe verã.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Mateo 3:2

Hai hei: Peijy Tũpa jykoty, shara kõõĩma ẽẽ huvisha vasu vate arapy'õ ryheva

Lucas 22:42

hei: Sheru, nde ripotarã, mbyhasa shyhevi kova kopa irova. Tẽvã avy tiko she aipotava, koñeĩ tiko nde ripotava.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Apocalipsis 19:6

Haivi ahendu vate arape kuareta ñymbaty'õre rãĩmiva, yyvasu mbyhy'apuva, hareka hỹnatu hy'apuva rãĩmi, heiva: “Aleluya! Õñepyrõma huvisha vasurã'ẽ hai ẽvãpe, Ñandeja opa ñymbaikatuva.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

Hechos 21:14

Katuvẽãma jepyaherã, ijyjokohashi hãrã he'iha: Tiko Ñandeja potava.

Hechos 13:22

Hãrã Tũpa mohẽ Saul ẽvaivirã ñonoshu juhuvisharã David, heihe: “Ãvãheshu David, Isai tay, pente kuimbai she rãĩmĩ pya mbijetava, she aipotava opa japoshe verã”.

Mateo 4:17

Haivivaĩ Jesús õñepỹrõ ñimiñeerã, hei: “Peijy Tũpa jykoty, shara huvisha vasu vate arapy'õ ryheva kõõĩma'ẽ”.

Apocalipsis 12:10

Haivi ahendu pente ñee hỹnatu araivi heiva: Ã'ẽ vãhẽma pyrỹmondoajepe verã, pyrãtãkue hareka Tũpa huvisha vasurã'ẽ verãpe, hareka ñy ñymbai katukue, shara ãña mohẽama vate araivi, ñandyryvyre arakuepe hareka pyharekue porãmba ijeta'ihea Tũpa hỹnonde.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

Hebreos 10:7

Hãme rãnga hai: “Kope ãĩ, Tũpa, ajapo verã nde ripotava, he'iha shyreheva rãĩmi kuatia ĩñeepe”.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Marcos 3:35

Opaite japoshuva Tũpa potava, hai reta rãnga, shyryvy, shiindy hareka shesy.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Marcos 11:10

Tũpa tymãĩkavihe David rãĩmi mburuvisharã ouva! Tymbyveteha vate arape, Tũpa vateve'õ!

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Colosenses 1:13

Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Lucas 19:11

Haire hendu reta kovarã, Jesús mbeujyshu reta pente ñee ñymyhã'ãnga, shara mbyryvẽãma'ẽshi Jerusalén, hareka haire pya mbijetajyrehe Tũpa ẽvãpe'õ ryheva aremba heshaha verã.

Hechos 22:14

Hai heishe: “Ñanytynondevare ñu Tũpa nypyhyrõ aryka'evaĩ rikuaa verã hai potava, hareka ryhesha verã hai heko kaviva, rỹhendu verã haiteiva juruivi ĩñee.