Mateo 5:9 - NandevaBiblia

⁹ Vy'apo reta õñehãã pirĩmbi'iko kaviva, haire he'iaposhu: “Tũpa tayre”.

Mateo 5:9 Referans Kwoze

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Romano 12:18

Katura piñyhãã piko kavi hãndi opavare.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Romano 8:14

Opaite ikova Espiritu Tũpa ryheva potava rãĩmirã, hai hokava Tũpa tayre.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Colosenses 3:13

Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

Hechos 7:26

Pareejyrã, Moisés hesha mokue Israelitava ñyrãrõ ñynoĩrã, hareka pota jocharerã hei: Pee rãnga pente'ovare, mãrã'ĩrãra pindijupii pirãrõpẽĩ?

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

1 Corintios 6:6

Katura jyrojavare ñymembeu reta pente pirĩmbivache'ia jyrojambahea hỹnonde?

Filipenses 4:2

Airure Evodiape, hareka Síntiquepe jyve, tiñymbypya penteĩ Ñandejare.

Lucas 20:36

shara hykove japyvẽãmapo, Tũpa jokuevare rãĩmimapo hareka Tũpa tay hareka tajy rãĩmimapo, shara Tũpa opa mynguerajyshu reta.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Romano 8:16

Hãrã Espiritu kuaaka ñande ñandypyape ñande haimava Tũpa tayre.

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.