Mateo 5:11 - NandevaBiblia

¹¹ Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Mateo 5:11 Referans Kwoze

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

Lucas 21:17

Opaite yvy jerekueipi pyndyreshatããpo shimimboiperã rehe.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

1 Pedro 2:23

Hehe'iha'ẽshurã hai mba'eãmba hei, jyvarehareherã mapeãmba porãã ijetashu reta, opaimba heja Tũpa ipope, hekopekavi pirĩmbivacheka'ia.

Juan 15:21

Opaite kova mbai japoñoĩpo pyndyrehe reta she rehe, shara kuãã reta shymbou vekua.

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

1 Corintios 4:10

Cristo heiva japohashurã rãnga kuaretare hei yryrehe mbaimba kuaahava. Tẽvã Cristo rupii hei pyndyrehe reta heta mbai pikuaava. Ore rãnga ỹrỹpyrãtãã, tẽvã pee pynypyrãtã. Pee rãnga pyndyraihuha, tẽvã ore yryreshatãã reta.

Romano 8:36

Mbyparahava rãĩmi: “Ndyrehe rãnga urukaha verãĩma ikoha; avisha rãĩmi yryrahaha urukaha verãpe”.

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Lucas 9:24

Tẽvã hykove potamba meẽva, jyvarepohe; shara opaite shyreepe hykove jyvarehea, ohojepepo.

Marcos 8:35

Shara hykove potaĩ mondojepe'ia, ha'eipo jyvarejyhekui. Tẽvã hykove meẽ shyreheva hareka Ñee kaviva rehe, ohojepepokui.

Mateo 10:25

Mbo'eharea vy'apo pyrỹmboi'õ rãĩmi'irã hareka jokuehareirea pyrokue'õ rãĩmi ikorã. Hãrã oo ija he'iahe Beelzeburã, mãrãrapo kyrãã he'ia jyveshu henta ĩrũre?

Hechos 9:16

She ambyheshakapo heta hasa'asy verã shyreepe jyrojarã.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Mateo 27:39

Hãma hasa ohovare haipi jahehe Jesús hareka ñaka mbyvavai jyrerã,

Marcos 4:17

tẽvã hapo pukuãrã kỹã'ẽ, hãma oushu mbai porãmbarã, poi jyroja.

Mateo 10:18

Pyndyrahapo mburuvishare mbory'õre hỹnonde, hãrã pee pijetapo shyrehe, hareka opaite jyrojamba retape

Juan 9:28

Hãma Judiore juhuvisha hehei jyreshu hareka heishu reta: Nde rãngapokui hoka kuimbai mboire verã. Moisés mboire vekua rãnga ore.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.