Mateo 5:10 - NandevaBiblia

¹⁰ Vy'apo reta hasa'asyva, mbai hekope kavi japo'irã, shara haire ña'ãpova huvisha vasu vate arapy'õ ryheva.

Mateo 5:10 Referans Kwoze

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Mateo 5:3

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

2 Timoteo 2:12

jyhasa'asykue jahasa kuaarã, ñaĩmepo hãndi hai ẽvãpe, ñañomi jareshurã hai ñanomipo jyve,

Filipenses 1:28

Hareka avy pykyjeshi ñymbyvaisho'i pyndyrehevare, hai reta rãnga ijyhesha kavihe opa verã kyty jyraha jyrerã, tẽvã pee pevarã hai heshakava ñymondojepeva ryheva, hokava ou Tũpaivi.

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Marcos 10:30

Heja vekua hendakuepe, 100 vepo hipityjy hasa'asykue ryheve ã'ẽvãĩ ko yvy'ĩãrẽ; hoorã, tyvy, hiindy, ishy, ta'y, hareka yvy, tẽvã manomarã hipitypo tykove opambava.

Lucas 6:20

Jesús mãihe mboireare retarã, heishu: Pyvy'apo pee pyndypaveteva, shara pa'ãpova hai Tũpa ẽvãpe'õ ryheva.

Mateo 10:23

Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

Hechos 8:1

Saulo ẽẽ jyve pente ñeepe Esteban jukaha verã. Hokava arape heta tũpao õñepyrõ mymorãhãã Jerusalenpe. Opaite, ñymomohẽ tenta Judeapi hareka Samaria, koñeĩ Apostolre ha'ẽã hai.

Hechos 5:40

Hãrã opa iñiñono hãndi reta pente ñeepe hẽnoka Apostolre hãrã opa nupaka reta vakapiperã hei jyvyĩshu reta ỹnteñoma ñimiñee verãre Jesús heepe. Hãrã poijyshi reta.

Mateo 19:14

tẽvã Jesús hei: Pyma'ẽĩhe sanjayre tou shyvache hareka avy pijocha, shara haire rãĩmiva Mburuvisha vasurã vate araivi ouva.

Marcos 10:14

Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Lucas 22:29

Hãrã sheteivapo apirĩñono huvisha vasurã, Sheru shiñonova rãĩmi,

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.