Mateo 4:24 - NandevaBiblia

²⁴ Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Mateo 4:24 Referans Kwoze

Mateo 17:15

Sheja, parekomitẽ ko shyray, hai rãnga ñymba'asy vãhẽmajyshurã opa mbyryry hareka juru mbytyryju, hetama oa tatape, ãmõpe yypy ityjy.

Mateo 8:6

Sheja, kuimbai ajokue'area rãnga shyrẽntape ĩme'ẽ, opa japarã turupape'ẽ hareka ñymbairasyiterã heta jypavete.

Lucas 5:15

Tẽvã haipe Jesús kuaahave raha opa rupi, hareka heta kuareta ñymbaty jasakahe verãre ĩñee, hareka ñymyngueraka verã mbairasykueivi.

Lucas 2:2

Kova tyree mbyparaha verã kuatiape tynondeite japoha Cirenio huvisharã teri'ẽrã Siriape.

Mateo 17:18

Haipe Jesús poshy ryheve heishu mbaiposhyperã, õhẽshi kunumiray, hãrã haiperaveĩ kuera.

Mateo 15:22

Pente taupe Canaanpe'ia, ñymboja Jesús ẽvãperã sapuke: Sheja, David tay, shyparekomĩteño! Shymemby taupe ĩme'ẽ mbaiposhy ĩmere, hareka mbypaveteitereshu.

Mateo 12:22

Haipe veruhashu pente kuimbai Jesús ẽvape mynguera verã, heshamba kũvãĩpiva, ña'ẽnguva, hareka mbaiposhy ĩmerea. Jesús mynguerashu hãrã ko kuimbai hesha hareka ijetajy.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Marcos 2:3

Haipe vãhẽ jyveru urũndy kuimbai veruva pente vatamba vekua.

Marcos 1:32

Ka'aruiterã kuarasy ichemarã, kuaretare heta veru ñymbairasyvare Jesús ẽvãpe, hareka mbaiposhy ĩmereare;

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Hechos 15:41

hãrã hasa reta Siria hareka Siliciaipirã, tũpaope'ẽvãre opa mykyrẽỹ reta, jyrojañoĩhe verãre Ñandeja Jesús.

Lucas 4:14

Hãma Jesús oujy Galileape Espiritu Santo ñymbaikatu tynyhekuepy ryheve, hãrã opa rupi kuaaha hokava yvyipi.

Marcos 1:28

Oparupiravĩ Galilea juri'õvã retaipi Jesús kuaaha.

Mateo 14:1

Hokava arape Herode, mburuvisharã ẽẽshu 4 tenta'õre, kuaretare heiva hendu jyve mbaivara Jesús japo.

Juan 10:21

Tẽvã ĩrũre heijyve: Mba'ety rãnga mbaiposhy ĩmerea kyrã ijeta verã. Mbaiposhy ĩmereara mynguerã rãngapo pente heshambava kũvãĩpia?

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Mateo 9:26

Hãrã opaite hokava tentaipi kuaaha kova, Jesús japova.

Mateo 8:28

Jesús vãhẽma oho yyvasu hymbeypi, Gadarape'õrã, mokue kuimbai mbaiposhy ĩmereare õhẽ jyveru tã'õvere õĩvirã ñymboja Jesús ẽvãpe, shara poshyite retarã mba'ety hasashi verãre haipi.

Mateo 8:33

Kushi ñyngareko'ihea reta opa kyjerã, jyrahajy henta kyty, haipe mbeu reta heshava mbaivara jehu hareka mokue kuimbai mbaiposhy ĩmere vekuare japoaheva.

Marcos 2:4

Katynga hetaite kuaretare haipe'õrã katuã myvãhẽ reta Jesús ẽvãpe, hãrã mbijupi reta oo ĩãrẽ, haipe hese peashu retarã, mbyvejy reta kuimbai vatamba vekua hupa ryheve.

Marcos 2:9

Mbaivara javaĩa jaishu ko vatambava: “Hejahareiima ndyhevi mbai porãmba rijapo vekua”, maĩrã jairaposhu: “Pũã hupi ndurupa, ekuajyvy?”

Lucas 4:38

Hãrã Jesús õhe Judiore ñymbatyseavirã oho Simón hentape, haisho ñymbairasy'õpe hareka haku japyrahava. Jurure jyreshu Jesús mbory verãre.

Lucas 5:24

Aheshakapo pee kuareta Tay, ime'are mbaikatu ko yvy'iãre, hejareii verã mbai porãmba. Haivi Jesús heishu kuimbai vatamba: Pũ'ã, hupi ndurupa hareka ekuajy nyrẽtape.

Hechos 8:7

Shara heta kuareta espiritu porãmba ĩmere vekua opamba mohẽhãshi hareka hokava porãmba õhẽmashirã sapukemba; hareka vatamba vekua, japa vekuare opa kuera.

Lucas 7:17

Hãrã opaite Judea hareka juri'õ retaipi kuaaha Jesús japova.

Hechos 28:9

Kova mbai japova rehe, heta ñymbairasy vekuare Maltape'iare jyveru Pablo ẽvãpe, hareka opa myngueraha jyve.