Mateo 3:12 - NandevaBiblia

¹² Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.

Mateo 3:12 Referans Kwoze

Mateo 13:30

Haikavivepo pyma'ẽĩ pũã hãndi mỹno'õapeve, haipokui mba'apo ia retape tynonde poo verã ñanava hareka mambaty verãre hapyha verã, haivipo mbatyhakui trigo natũã verã.

Lucas 3:17

Imẽmare ipope mbyvevepy verã hareka mypõti verã trigo hãy, hekyshi verã kapii, haivi hã'ykue natupo hyrupe, tẽvã hapypo kapii tatapy ovemba verãpe.

Mateo 13:41

Ko kuareta Tay, mondopokui jokuevare. Haire mbatypo hareka hekyposhi opaite tentavasu ryhevare, mbai porãmba japoka'iare hareka hapisha ity'iare porãmbape.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Mateo 13:43

Hoka arape heko kavivare himbipepo kuarasy sapeva rãĩmi Sheru Mburuvisha vasurã vate araivi ouva. Opaite japysa'iare, tyhendukavi.

Mateo 13:42

Ajokuevare ityposhu retakui tatape, haipepo jaheorã hãi opa mbupururukui.

Lucas 3:16

tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.