Mateo 27:63 - NandevaBiblia

⁶³ Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Mateo 27:63 Referans Kwoze

Lucas 9:22

Hãrã heishu reta: “Kuareta Tay hetapo hasa'asykui”, mbijicheposhu karai kuakuavare, pai ruvishare hareka Moisés mbypara vekua pyrỹmboi'iheare. Hãma jukapo retakui, tẽvã mbahapy arapepo kuerajykui.

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Juan 2:19

Jesús heishu reta: Opa pymambai ko tũpao, mbahapy arapepo ãmupũãjykui.

Lucas 18:33

nupapo hareka jukapo reta; tẽvã mbahapy arapepo kuerajy.

Marcos 10:34

Ñymbyhorypohe retakui hareka myndyvypohe, nupa hareka jukapo reta. Tẽvã mbahapy arapepo pũãjykui manovare pãũvi.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Mateo 20:19

Haivipo shyme'ẽãkui haimba Judiovare ipope, ñymbyhory shyrehe verã, shunũpa hareka shymbysavavaha kurusure. Tẽvã mbahapy arapepo shykovejyrã ãpuãjykui manovare mbyteivi.

Mateo 17:23

Haire shukapokui, tẽvã mbahapy arape akuerajypokui. Kova hendu retarã opa mbypy'ã reta.

Mateo 26:61

Kova kuimbai hei vekua, “Mbahapy arape opapo aity Tũpa hoo hãrã mbahapy arape amupũãpojy”.

2 Corintios 6:8

Ãmope yrỹmbyveteha, hareka ãmope ajeteãshu reta, ãmope ijeta kavi yryrehe, hareka ãmope porã'ãĩte he'iajy yryrehe. Añetevate he'iava, he'iajy yryrehe mba'ety vekua mbe'uava.

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Juan 7:47

Haivi fariseore heishu: Peeavera piñymbytavyka jyve?

Mateo 27:64

Hãrã pota riñono ñyngarekohe verã tã'õve rẽnda mbahapy arapeve, mahẽ mboireare ou ñomi rahakui pyhare hetekue, haivi heipo retakui, pũãjymava manoare pãuvi. Kyrã jehurã, ko japuva teitevemapojykui, tynonde ñahendu vekuaivi.

Mateo 28:6

Mba'ety kope, kuerajy hai heiva rãĩmi. Pei pymãihe ñonoa vekuape.

Marcos 9:31

shara mboi'ẽ mboireare. Heishu reta: Ko kuareta Tay ñonoãpokui kuaretare ipope, haire jukapokui, tẽvã mbahapy arapepo kuerajykui.

Lucas 18:31

Jesús hẽno hã'ẽĩ'õpe 12 mboirea retarã heishu: Ã'ẽ jahapo Jerusalén kyty, haipepo opa iko Tũpa ĩñee mbeu'iare heihe vekuare Kuareta Tay,