Mateo 27:4 - NandevaBiblia

⁴ hãrã heishu reta: Mbai porãmba rãnga ajapo, ko kuimbai heko kaviva ameẽ jukaha verã. Tẽvã Haire heishu: Tẽvãra mbaivẽãma hai ore hokava! Ndyreheima'ẽ hokava!

Mateo 27:4 Referans Kwoze

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

1 Timoteo 4:2

Japoposhu kuaretare hova mokue'iare hareka japuvare heiva, katuveãma ñynotivare.

Romano 3:19

Jaikua rãnga ñee mbyparahava japoa verã haiva Judiore pevarã, shara haire ĩmere ñee mbyparahava japo verã, mbavamba heijy verã “ha'eã she mbai porãmba japo'ia”, opapaveĩ ñymbeu verãre mbai porãmba japovare Tũpa hỹnonde.

Hechos 13:28

Heshambatẽheare mbai reherapo katu jukaha, jururembashu reta Pilato juka verã.

Juan 19:7

Judiore heishu: Ore rãnga ĩmerekoha ñee mbyparahava, haipy hei manoñoĩ verã, shara hei ijehe Tũpa Tay.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Lucas 23:41

Ñande rãnga hekope kavi jahasa'asyñaĩ, shara mbai porãmbava jajapo ñande; tẽvã ko kuimbai japoã hai mbai porãmba.

Lucas 23:22

Haipe Pilato mbahapyheape heishu reta: Marã'ĩrãra? Mbaiva porãmbara japo? She mba'ety aheshaheva maĩnunga jukaha verã. Ãnupãkaĩpo, haivipo apoishikui.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 27:19

Pilato vapyteri'ẽ tribunalperã, hyreko heishu: “Avy mãĩ'ẽhe, ndeave ko kuimbai heko kaviva, pyhare porãã apaihu, hai rehe”.

Apocalipsis 11:10

Opaite tentare horyĩpo jyrehe heshama manorã, haivi mondokapo ijupe reta ijopepy verã jukahava rehe, shara hoka mokue Tũpa ĩñee mbeu'iare kuaretare pevarã hai jyhasa'asy vasu porãmba.