Mateo 26:74 - NandevaBiblia

⁷⁴ Pedro õñepỹrõ jypejurã hareka meẽ ĩñeerã, hei: Aikuãã rãngashu ko kuimbai. Hãrã haipe uru ñyrãã.

Mateo 26:74 Referans Kwoze

Apocalipsis 3:19

She rãnga ãĩngãtashu hareka anupa opaite ahaihuvare. Hãrã ñymykyrẽy hareka eijy Tũpa jykoty.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Juan 18:27

Pedro hykuaĩ ñomirejy Jesús. Haipema uru ñyrãã.

Mateo 10:28

Avy pykyjeshi pyndyreteĩ juka verã, shara katuãpo juka pyndyrykove; koñeĩpo pykyjeshi Tũpa, katu jukava pyndyrykove hareka pyndyrete tata vasupe.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

Lucas 22:60

Pedro katy hei: Kuimbai, aikuãnyshe rijetaheva. Haipe Pedro ijeta teri'õ ryheve, uru ñỹrãã.

Marcos 14:68

Pedro ñomirã hei: Aikuaanyshe, hareka aikuãvãĩjy rereva. Hãrã Pedro õhẽ katuape, hãma haipe uru ñyrã.

Marcos 14:30

Jesús heishu: Ãñeteĩte hainde, ndei uru mokue ñyrãrã, ko pyhare mbahapyjypo shiñomikui.

Mateo 27:25

Hãma kuimbaire opaite hei reta: Toa ỹrẽãrẽ hareka yryrayre ĩãrẽ hai ñymanokue!

Mateo 26:34

Jesús heishu: Ãñete hai nde, ko pỹntu ndeiteri uru ñeerã, mbahapyjypo rerekui shykuambaa.

Mateo 26:73

Hãrã haipe'õre ou Pedro hyvacherã heishu: Añetẽĩte, nde hai jyve hai ryhevare, jykuaa ndyrehe niñee ryheve.

Mateo 26:75

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.