Mateo 26:38 - NandevaBiblia

³⁸ Heishu reta: Shyrykovepe ãĩñymbasy, ãñandu ãmano verã rãĩmi. Kopẽĩ pime hareka avy peche shyhevikui.

Mateo 26:38 Referans Kwoze

Juan 12:27

Ã'ẽ ajepy'apy ãĩ. Mbaivarapo ha'e? Hairapo: “Sheru mbyhasa shyhevi ko jepy'apy porãmba”? Tẽvã ha'ẽrãveara ai ajapo verã Sheru potava.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Mateo 25:13

Haivi Jesús hei: “Pysareko katupeĩ, hareka avy peche shara pikuãã ara hareka ora kuareta Tay oujy verãpe”.

Marcos 14:34

Jesús heishu: Vyambava añandu shukamapotarã; kopeĩ pime, hareka avy pechekui.