Mateo 25:40 - NandevaBiblia

⁴⁰ Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 25:40 Referans Kwoze

Mateo 10:42

Ĩme'ẽ meẽva yy rỹ'ỹsami amboi'areaperã, ãñete hai pee Tũpa myngoviañõĩposhu.

Marcos 9:41

Ĩme'ẽ yyintẽ meẽpeva Cristo ryhevaperã, ãñete hai pee Tũpa meẽñõĩposhukui hekovia.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

1 Juan 4:20

Ĩme'ẽ heiva: “She ahaihu Tũpa”, tẽvã tyvy Cristo jyrojahea heshatããrã, japureii'i. Shara tyvy Cristo jyrojahea heshareva heshatããrã, marãrapo Tũpapeĩ haihujy heshamba'õ?

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

Efesios 5:30

shara ñande hai jyve ñaĩva hetere, japoava ho'oivi hareka kãvẽivi.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Mateo 28:10

hãrã Jesús heishu reta: Avy pykyje. Pekua pymbeushu shyryvyre toho Galileape, haipepo shyresha retakui.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Mateo 25:39

Mbaipera ore ndyreshaha nymbairasyrã, hareka nymbyperesoarã, hãndi ohoha ma'ẽã ndyreherã?”

Mateo 25:45

Mburuvisha heiposhu reta: “Ãñeteĩte haipe, hoka pijapo mbavekua pente mishĩveva rehe, pijapoã jyve shy rehe”.

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.