Mateo 25:31 - NandevaBiblia

³¹ Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Mateo 25:31 Referans Kwoze

Apocalipsis 1:7

Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Marcos 8:38

Ĩme'ẽ mbava shynotivarã hareka Shiñee notiva ko tykove ñarõva hareka mbai porãmba japo'ia hỹnonde, kuareta Tay notipo jyveshukui oujyma Tuu hĩmbipekue ryheverã hareka Tũpa jokueva heko kyambare hãndi.

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

Juan 1:51

Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Lucas 9:26

Ĩme'ẽ shynõti'ia hareka shiñee, ãnotipo jyvekui, kuareta Tay oujyma hĩmbipevapyrã, Sheru hĩmbipekuepy hareka opaite jokuevare heko kyambare hãndi.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Hebreos 1:8

Tẽvã Tay rehe hei: Tũpa, huvisharã rẽĩvape hai opa arapeva hareka hekope kavipo huvisharãrẽĩkui.

1 Tesalonicenses 4:16

Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;

Hechos 1:11

heishu reta: Pee Galileavare mãrã'ĩrãra pymãĩpi vate arare? Kova Jesús rãnga hupihajyma vate arapy, pee pyhesha ohojyva rãĩmi katĩĩpo pente arape oujykui.

Lucas 22:69

Tẽvã, ã'ẽvãĩpo ko kuareta Tay vapykui Tũpa ñymbaikatuva jakata kyty.

Mateo 25:6

Pyharembyteipimarã, sapy'ãĩ ñyhendu pente sapukerã heiva: “Ouma temerã. Pei pymãihe”.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.