Mateo 24:7 - NandevaBiblia

⁷ Pente tentavasu pũãpo ynga tenta vasure, hãrã opavare pũãpo ijehe. Opa rupipo ẽẽ ñymbahyvasu hareka yvy ryry.

Mateo 24:7 Referans Kwoze

Lucas 21:11

õĩpo yvyryry vasu, ñymbahy hareka mbairasy opa rupi, hãrã mbai ñanyngyjeva hareka mbai heshaha verã jykuaapo vate arare.

Apocalipsis 6:8

Ãmaĩrã ahesha pente kavaju ijuva, ĩãrẽ vapy'ia hee “manova”, haykueivi ou mano vekuare ẽvãpe'õ me'ẽãshu reta mbaikatu juka verãre urũrũndy hendape'õ ko yvy ĩãrẽ'õre ñyrãrõpe, ñymbahype, mbairasype, hareka mymba ñarõvare yvy'ĩãrẽ õivi.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

Apocalipsis 6:12

Avisha Ray 6 sellohea pearã, ahesha iko yvyryryvasu. Kuarasy opa hũũ mondeava jyhasa'asype mondehava rãĩmi, hareka jasy turuvy rãĩmi pyta,

Hebreos 12:27

Hãma hei kova “pentemapo”, kuaaha opapo hekyha mbai japoha vekua retarã, kova hai katu my'õmyãvare, pyta verã õmymbare.

Hechos 2:19

Hãrã aheshakapokui vate arare mbai heshahambava hareka yvy'ĩãrẽ ẽẽpokui mbai heshaha verã: Tuvy, tata hareka tatãti.

Apocalipsis 6:5

Hãrã Avisha Ray peajy sello mbahapyhearã, mbahapyhea kuera'ia hei: Ei maĩhe! Ãmaĩrã ahesha pente kavaju hũũva, ĩãrẽ vapy'ia, ipopere pente mbapesahasepya.

Apocalipsis 6:6

Ahendu urũndy kuerateri'iare mbyteivi pente ñee heiva: Ã'ẽ pente kilo trigo maĩrã mbahapy kilo avatiku'i pente ara mbyhepyapyva, tẽvã asaite hareka vino hepy avy hupi.