Mateo 24:45 - NandevaBiblia

⁴⁵ Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 24:45 Referans Kwoze

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Hebreos 3:5

Kyrã Moisés, jokuehava rãĩmi, hekope kaviñoĩmba japo opa mbai Tũpa hoope, mbeu verã mbaivara Tũpa heipo'ẽ mbai arape.

2 Timoteo 2:2

Hãrã nde rỹhendu shyhevi hetavare hỹnonde, mbe'uka jyveshu kuaretare ryrojakatuva, katu mboishu verã jyve yngava hapishare.

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

Apocalipsis 2:13

She rãnga aikuaa Satanás vapyape rikorirã. Hareka ndysareã shyrehe, rirojañoĩ shyrehe, ara Antipas añeteĩte shyreshava jukaha pynymbyteperã, Satanás ikovape.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Lucas 19:17

Mburuvisha vasu heishu: “Haikavite, mishĩtẽvãra hai nde jokuehareirea heko kaviva, arỹmbyhepokui huvisharã 10 õ tenta vasu ndepope'ẽ verã”.

Mateo 13:52

Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Mateo 25:2

Ko kuñatãi mbytepe 5 ẽẽ kuamba ijupeare hãma 5 ĩrũre kua'ihaivare.

Mateo 7:24

Hãrã ĩme'ẽ henduva shiñee hareka hekope kavi japova, ova pente kuimbai ñy'ãrãnduva, hoorã mupuãva ita ĩãrẽ.

Mateo 24:46

Vy'apo jokuehareirea, jokue'õ oujy hesha opakavi japoshu heishuvarã.